MB NEWS-⬛ 10 रुपयाचे नाणी न स्विकारणार्‍याविरुध्द कारवाई करा ! 🔸 दहा रुपयांसह कोणतीच नाणी बंद झाली नाहीत! अफवांवर विश्वास ठेउ नये - बँकांचा खुलासा

  ⬛ 10 रुपयाचे नाणी न स्विकारणार्‍याविरुध्द कारवाई करा !

🔸 दहा रुपयांसह कोणतीच नाणी बंद झाली नाहीत!

अफवांवर विश्वास ठेउ नये - बँकांचा खुलासा

परळी वैजनाथ / प्रतिनिधी. .............

    चलनातील कोणतीही नाणी बंद झालेली नाहीत किंवा बंदही होणार नाहीत. या बाबतीत नागरिकांनी कोणत्याही अफवांवर विश्वास ठेउ नये. पाच, दहा रुपयांची नाणी चलनातच राहणार आहेत असा खुलासा राष्ट्रीयीकृत बँकांनी केला आहे.

         सध्या बाजारात दहा रुपयांची नाणी चालणार नसल्याची अफवा जोरदार पसरली गेली व त्यामुळे ही नाणी स्विकारली जात नसल्याचे दिसते.या अफवेने नागरिकांनी आपल्या जवळील दहा रुपयांची नाणी बँकांमध्ये जमा करण्यासाठी धावपळ सुरू केली आहे. तसेच अनेक छोट्या व्यापाऱ्यांनी ही नाणी घेण्याचे बंद केले आहे. नागरिकांनी ही  नाणी स्विकारायला नकार द्यायला सुरुवात केली आहे. त्यामुळे बाजारपेठेत दहाची नाणी चलनातून बंद जवळपास बंद झाली आहेत.

              दरम्यान या बाबत आमच्या प्रतिनिधीने स्टेट बँकेच्या वरिष्ठ अधिकाऱ्यांशी चर्चा केली असता ही निव्वळ अफवा असून चलनातील कोणतीही नाणी बंद झालेली नाहीत किंवा बंदही होणार नाहीत. या बाबतीत नागरिकांनी कोणत्याही अफवांवर विश्वास ठेउ नये. पाच, दहा रुपयांची नाणी चलनातच राहणार आहेत असे स्पष्टीकरण दिले आहे.

    @@@@

  अफवा पसरविणारांवर कारवाई करावी...

                       रिझर्व्ह बॅंकेने नाणी बंद बाबतीत कोणताही निर्णय घेतला नाही. कोणतेही निर्देश दिलेले नाही. असे असताना विनाकारण अफवा पसरवून नागरिकांना भयभीत करण्याचा हा प्रकार आहे. अर्थिक विषयांच्या बाबतीत अफवा पसरवून लोकांत बिनबुडाची व   चुकीची माहिती पसरविणारांवर कठोर कारवाई करावी तरच असे प्रकार बंद होतील अशी मागणी सर्वस्तरातून होत आहे.शहरासह जिल्ह्यात दैनंदिन व्यवहारात दहा रुपयांची नाणी न स्विकारणार्‍या दुकानदारांसह विक्रेत्यांविरोधात कारवाई करावी, अशी मागणी होत आहे.