MB NEWS-⬛ *गौरवास्पद:परळीच्या भूमीपुत्राचा होणार गौरव; शामसुंदर सोन्नर यांच्या पुस्तकाला मुंबई मराठी पत्रकार संघाचा पुरस्कार*

 ⬛ *गौरवास्पद:परळीच्या भूमीपुत्राचा होणार गौरव; शामसुंदर सोन्नर यांच्या पुस्तकाला मुंबई मराठी पत्रकार संघाचा पुरस्कार*

परळी वैजनाथ, प्रतिनिधी....

      पत्रकार,लेखक, प्रबोधनकार व वारकरी कीर्तनातून संविधानाचा जागर घालणार्या हभप शामसुंदर महाराज सोन्नर या परळीच्या भूमीपुत्राचा  गौरव होणार आहे.त्यांच्या पुस्तकाला मुंबई मराठी पत्रकार संघाचा पुरस्कार नुकताच जाहीर झाला आहे.याबद्दल त्यांचे सर्वस्तरातून अभिनंदन होत आहे.

      परळी तालुक्यातील वडखेल येथील मुळ रहिवासी असलेले व विविध माध्यमातून विचारांचा जागर घालणारे  हभप शामसुंदर महाराज सोन्नर यांना यापूर्वी अनेक पुरस्कारांनी सन्मानित करण्यात आलेले आहे.किर्तन, व्याख्यान व पत्रकारिता या माध्यमातून त्यांनी सामाजिक प्रबोधन, संविधान जागर यासाठीच वाहून घेतलेले आहे. त्यांनी लिहिलेले "भेदा भेद भ्रम अमंगळ" हे पुस्तक अतिशय लोकप्रिय ठरलेले आहे.त्यांच्या कवितांनी तर विधिमंडळातही दाद मिळवलेली आहे.विविध माध्यमातून काम करताना समाजप्रबोधन हा मुख्य हेतू त्यांच्या कार्यातून दिसतो. त्यांच्या "भेदा भेद भ्रम अमंगळ" या पुस्तकाला मुंबई मराठी पत्रकार संघाचा जय हिंद प्रकाशन पुरस्कार नुकताच जाहीर झाला आहे. पत्रकार दिनाचे औचित्य साधून 6 जानेवारी 2022 रोजी सायंकाळी 5 वाजता पत्रकार भवन, आझाद मैदान शेजारी, मुंबई इथे पुरस्कार कार्यक्रम होणार आहे.या यशाबद्दल सर्वस्तरातून त्यांचे अभिनंदन होत आहे.परळी तालुक्यासाठी ही गौरवाची व‌‌‌ अभिमानाची बाब आहे.परळीतील पत्रकार बांधवांनी या पुरस्कारासाठी हभप शामसुंदर महाराज सोन्नर यांचे अभिनंदन केले आहे.