MB NEWS-बूस्टर डोस आजपासून झाले सुरू;नागरीकांनी लाभ घ्यावा- तालुका आरोग्य अधिकारी डाॅ. लक्ष्मण मोरे
बूस्टर डोस आजपासून झाले सुरू;नागरीकांनी लाभ घ्यावा- तालुका आरोग्य अधिकारी डाॅ. लक्ष्मण मोरे
परळी वैजनाथ, प्रतिनिधी.....
सर्व शासकीय, पालिका तसेच खासगी लसीकरण केंद्रांवर आज सोमवार, १० जानेवारीपासून आरोग्य कर्मचारी, आघाडीवरील (फ्रंटलाइन) कर्मचारी आणि ६० वर्षांवरील सहव्याधी असलेल्या ज्येष्ठ नागरिकांना करोना लशीचा संरक्षक डोस (प्रोटेक्शन डोस) सुरू झाला आहे. या मात्रेसाठी दुसरी मात्रा घेतल्याच्या तारखेपासून नऊ महिने किंवा ३९ आठवडे पूर्ण झालेले असणे आवश्यक आहे.नागरीकांनी लाभ घ्यावा असे आवाहन तालुका आरोग्य अधिकारी डाॅ. लक्ष्मण मोरे यांनी केले आहे.
केंद्र सरकारच्या मार्गदर्शक सूचनांनुसार आणि कोव्हिड-१९ वर्किंग ग्रुप ऑफ नॅशनल टेक्निकल ॲडव्हायझरी ग्रुप ऑन इम्युनायझेशन तसेच स्टँडिंग टेक्निकल सायन्टिफिक कमिटी यांच्या निर्देशानुसार हे लसीकरण सुरू होणार आहे.शासकीय लसीकरण केंद्रांवर सर्व पात्र नागरिकांना विनामूल्य संरक्षक डोस देण्यात येईल.
सर्व आरोग्य कर्मचारी, आघाडीवर काम करणारे कर्मचारी ज्यांचे वय ६० वर्षांपेक्षा कमी आहे व ज्यांची कोविन अॅपवर यापूर्वी लस घेताना कर्मचारी ऐवजी 'नागरिक' अशी वर्गवारी नोंद झाली आहे, अशा लाभार्थ्यांचे लसीकरण शासकीय लसीकरण केंद्रात थेट येऊन (ऑनसाइट/वॉक इन) नोंदणी पद्धतीने उपलब्ध असेल. त्यासाठी त्यांनी नोकरीच्या ठिकाणचे प्रमाणपत्र/ओळखपत्र सादर करणे बंधनकारक असेल.लाभार्थ्यांनी आधी कोव्हिशील्ड लस घेतली असेल तर त्यांना कोव्हिशील्ड, ज्यांनी आधी कोव्हॅक्सिन लस घेतली असेल त्यांना कोव्हॅक्सिन लशीचा डोस देण्यात येईल.नागरीकांनी लाभ घ्यावा असे आवाहन तालुका आरोग्य अधिकारी डाॅ. लक्ष्मण मोरे यांनी केले आहे.
टिप्पण्या
टिप्पणी पोस्ट करा