MB NEWS-चोरट्यांचा धुमाकूळ सुरूच...... परळीतील समता नगरात दीड लाखांची घरफोडी; नागरिकांमध्ये दहशत

 चोरट्यांचा धुमाकूळ सुरूच......

परळीतील समता नगरात दीड लाखांची घरफोडी; नागरिकांमध्ये दहशत 

 

 परळी वैजनाथ/प्रतिनिधी......

    परळी व परिसरात दररोज नोंद होत असलेल्या चोरीच्या घटनांनी खळबळ उडवून दिली आहे.परळी तालुक्यात चोरांना रान मोकळे झाले असल्याचे दिसून येत आहे. परळीतील समता नगरात घरफोडीची मोठी घटना घडली आहे.या घटनेने नागरिकांमध्ये दहशत पसरली आहे.या घरफोडीत सुमारे दीड लाखांचा ऐवज लंपास केल्याची घटना पोलीस ठाण्यात नोंद झाली आहे. 

       

      सध्याच्या काळात सर्वत्र चोरीच्या घटननांची साखळी खंडीत होत नसल्याने लोकांमध्ये एकप्रकारे मोठा धसका बसलेला आहे.अन्य कोणत्याही बाबींचा विचार न करता चोरीच्या घटनांपासून बचाव करण्यासाठी प्रत्येकाचे प्राधान्य आहे.अशाही परिस्थितीत चोरट्यांची मनस्थिती मात्र बदललेली दिसत नाही.सर्वत्र चोरटे धुमाकूळ घालत आहेत. दररोज चोरीच्या घटनांची नोंद पोलीस ठाण्यात होत आहे. दि.५ रोजी परळी जवळील समता नगर भागात  फिर्यादी अंगद गोविंदराव फड ( वय ५५ )यांच्या घरात  रात्रीच्या सुमारास अनोळखी चार इसम घराचे चॅनल गेट तोडुन घरात घुसले. कपाटातील सोन्याचे दागिने, साड्या आदी तब्बल १लाख ५८ हजारांचा ऐवज लंपास केला. ३५ते४९ वर्षे वयोगटातील अज्ञात चार चोरट्यांना घरमालक घडल्याचे लक्षात येताच ऐवज घेऊन पळून जाण्यात यश मिळाले. याप्रकरणी परळी शहर पोलीस ठाण्यात गुन्हा दाखल करण्यात आला आहे.अधिक तपास पो.ह.शिंदे हे करीत आहेत.