MB NEWS-शेतातील सोयाबीनची उभी रास नेली चोरून; ५० हजारांचे सोयाबीन चोरीप्रकरणी पाच जणांविरुद्ध गुन्हा दाखल

  शेतातील सोयाबीनची उभी रास नेली चोरून; ५० हजारांचे सोयाबीन चोरी प्रकरणी पाच जणांविरुद्ध गुन्हा दाखल

परळी वैजनाथ, प्रतिनिधी......

      नागापुर शिवारात असलेल्या शेतातील सोयाबीनची उभी रास  चोरून नेली अशी फिर्याद दाखल करण्यात आली आहे. यामध्ये अंदाजे १५ क्विंटल (अंदाजे किंमत५० हजार) सोयाबीन चोरीप्रकरणी पाच जणांविरुद्ध ग्रामीण पोलीस ठाण्यात गुन्हा दाखल करण्यात आला आहे.

     याबाबत ग्रामीण पोलीस सुत्रांनी दिलेल्या माहितीनुसार, फिर्यादी नाशिकेत संभाजी गित्ते वय 47 वर्ष व्यवसाय शेती रा. वाघबेट ता परळी वै.हे अनंत त्रंबक देशपांडे यांचे शेतीत सालगडी म्हणुन मागील चार वर्षांपासून काम करतात. या वर्षी नागापुर शिवारातील ऊंबरदरा शेत गट नं 589 मधील अनंत जंबक देशपांडे यांचे मालकीचे शेतीत सोयाबीन, हायब्रीड, तुर या पिकाची पेरणी केली होती, त्यापैकी  हायब्रीड व तुरीची रास करून ते घरी आणले होते व शेतातील सोयाबीन काढून ते वडखेल ते नागापुर जाणारे पांदण रस्त्याचे बाजुला शेतात अंदाजे 100 मीटर मध्ये ढीग घालुन ठेवला होता. सोयाबीनचा ढीग पाहण्यासाठी ते दररोज शेतात जात असत, ते दिनांक 06/02/2022 रोजी सायंकाळी 06.00 वाजता सोयाबीनचा ढीग पाहुन घरी आले. त्यानंतर दिनांक 09/02/2022 रोजी सकाळी 10.00 वा ते व त्यांच्या सोबत गोविंद वाल्मीक मुंडे रा. वाघबेट असे शेतात गेले तर सोयाबीनचा ढीग  दिसला नाही, शेतात आजुबाजुला पाहणी केली परंतु सोयाबीन दिसुन आले नाही. त्यांतर त्यांनी शेत शेजारी  यांना विचारपुस केली असता  काल दिनांक 08/02/2022 रोजी सायंकाळी 04.00 वा. सुमारास लिबोटा तांड्यावरील 1. सिताबाई कोंडीबा जाधव 2. मंगुबाई राजाराम जाधव 3. नामदेव नंदा राठोड, 4. भानुबाई नामदेय राठोड 5. शंकर नंदा राठोड सर्व रा. सातीआंबा तांडा यांनी बैलगाडी लावुन सोयाबीनचा पुर्ण ढीग चोरुन घेवुन गेले आहेत असे सांगितले. ते सोयाबीन अंदाजे 15 क्विंटल किंमत अंदाजे 50000 रुपयाचे आहे. 

     याप्रकरणी आरोपींविरुद्ध परळी ग्रामीण पोलीस ठाण्यात गुन्हा दाखल करण्यात आला आहे.अधिक तपास पो.ना.केंद्रे हे करीत आहेत.