दिल्ली वर्ड पब्लिक स्कूलचा विद्यार्थी दिपक गोविंद गित्ते इंटरनॅशनल 60 किलो वजन गटामध्ये ज्युडो येथे सिलेक्शन परळी ( प्रतिनिधी) दिल्ली वर्ड पब्लिक स्कूलचा विद्यार्थी चिरंजीव दीपक गोविंदराव गित्ते यांची मध्यप्रदेश भोपाल येथे होणाऱ्या स्पर्धेसाठी इंटरनॅशनल 60 किलो वजन गटामध्ये ज्युडो या खेळामध्ये सिलेक्शन झाल्याबद्दल शाळेचे प्रेरणास्थान मार्गदर्शक मा. श्री .किरण गित्ते साहेब IAS सचिव : सार्वजनिक बांधकाम, आरोग्य, उद्योग व वाणिज्य विभाग त्रिपुरा सरकार, विवेकानंद युथ वेल्फेअर सोसायटीचे अध्यक्षा : सौ.उषाताई किरण गित्ते , शाळेचे मुख्याध्यापक मा. श्री. श्रीकांत पाटील सर यांनी गोविंद गित्ते कौतुक करून पुढील वाटचालीस शुभेच्छा दिल्या आहेत . या स्पर्धा मध्य प्रदेश भोपाल येथे इंटरनॅशनल या स्पर्धा दिनांक 12 मे 2026 रोजी होणार आहेत. मराठवाड्यातील नामांकित दिल्ली वर्ड पब्लिक स्कूलने आतापर्यंत अनेक विद्यार्थ्यांना खेळामध्ये महाराष्ट्र व महाराष्ट्राच्या बाहेर विद्यार्थ्यांचे सिलेक्शन झाले असून आता दीपक गोविंदराव गित्ते या विद्यार्थ्य...

विठ्ठलभक्तीने दुमदुमला बालाघाट। जाहली सोपी वाट । पंढरीची ।।

परळी वैजनाथ, प्रतिनिधी.....

टाळ-मृदंगाचा झंकार…अंभगाचा नाद अन् ढगाळी ऊन-सावलीची साथसंगत…अशा अत्यंत भारलेल्या वातावरणात संत गजानन महाराज पालखी सोहळ्याने परळी अंबाजोगाई मार्गा दरम्यान कनेरवाडी च्या पुढे असलेल्या घाटाचा टप्पा आज शनिवारी सकाळी पार केला. अन् या भक्तिप्रवाहास सोबत घेत पालखी अंबानगरीकडे मार्गस्थ झाली.

Video news पहाण्यासाठी या ओळींवर क्लिक करा:🔴 यापुर्वी आपण संत गजानन महाराज पालखी सोहळ्याचे असे मनमोहक दृश्य पाहिलेच नसेल.......!

संत गजानन महाराज पालखीचा दोन दिवस परळीत मुक्काम होता. परळीकरांच्या आदरातिथ्याने भारावलेला हा सोहळा आज अंबाजोगाईच्या दिशेने मार्गस्थ झाला. जड अंतःकरणानेच परळीकरांनी पालखीला निरोप दिला. परळी, कनेरवाडी येथे पालखीचे मनोभावे स्वागत करण्यात आले. रस्त्याच्या दुतर्फा उभे राहून भाविकांनी पालखीवर पुष्पवृष्टी केली.पालखी सोहळा टाळ-मृदंगाच्या निनादात व हरिनामाच्या गजरात कनेेवाडी ओलांडून घाटाच्या दिशेने निघाला.घाट पाहताच वारकऱ्यांच्या अंगात बळ संचारले. हा घाट जणू पालखीच्या स्वागतासाठीच उभा ठाकलेला. घाटावरचे प्रसन्न वातावरण पाहून वारकऱ्यांची मने अधिकच प्रफुल्लित झाली.वैष्णवांच्या मेळ्याने घाटात प्रवेश केला. विठुनामाचा गजर सर्वत्र टिपेला पोहोचला. पालखीसोबत वारकरीही धावू लागले. टाळ-मृदंगाचा, अभंगाचा निनाद डोंगरकपाऱ्यात घुमला. अवघा घाट विठुनामाच्या गजरात दुमदुमून गेला. भाविकांनी हा सोहळा ‘याचि देही याचि डोळा’ अनुभवण्यासाठी घाटात मोठी गर्दी केली होती.

@@@

डोळ्याचे पारणे फेडणारे मनमोहक दृश्य....

बालाघाटच्या रांगा हिरव्यागार रांगा आणि त्यावर भगवी पताका हवेत फडफडतांना,डोलतांना पाहतांना अतिशय मन प्रफुल्लित होत होते. आज शनिवारी ( दि.२५) सकाळी परळीतून कन्हेरवाडी ,अंबलवाडी घाटातून पुढे प्रस्थान झालेली ही पालखी रात्री झालेला पाऊस आणि सकाळी असलेल्या आल्हाददायक ,गारवा,वातावरण मन प्रसन्न करणारे टाळांचे किन किन आवाज,गण गण गणात बोते, माऊली, माऊली

राम कृष्ण हरीचा ,जय घोष आणि त्यावर चालणारे पाऊले.... सर्वात समोर तीन अश्व त्या पाठोपाठ भगव्या पताका घेतलेले सेवेकरी, त्यामागे टाळकरी त्यामागे श्रीची पालखी व पादुका, पुढेमागे मृदंग, विणेकरी, डोक्यावर तुळशीचा कुंडा, भगवी पताका ,अतिशय नयनरम्य दृष्य घाटातील वळणावर बघायला मिळाले.

मनमोहक दृश्ये:-