श्री प्रभू वैद्यनाथाच्या नगरीत 23 ते 25 जुलै दरम्यान रंभापुरी जगद्गुरू यांच्या उपस्थितीत धार्मिक कार्यक्रमात सहभागी होण्याचे शिवाचार्यांचे आवाहन
*परळी वैजनाथ/प्रतिनिधी*
श्री प्रभू वैद्यनाथाच्या नगरीत धार्मिक कार्यक्रम मोठया प्रमाणात होतात ही आनंददायी बाब आहे,रंभापुरी महापिठाचे जगदगुरू प्रसन्नरेणुक डॉ.वीरसोमेश्वर राजदेशिकेंद्र शिवाचार्य भगवतपाद महास्वामीजी यांची दि 23 रोजी अड्डपालखी निघणार आहे व धर्मसभेचे आयोजन करण्यात आले, हा कार्यक्रम भव्य दिव्य होईल , 23 ते 25 जुलै दरम्यान जगद्गुरू च्या उपस्थित धार्मिक कार्यक्रम होत आहेत,प्रत्येकानी सहभागी व्हावे अस आवाहन श्री शभुलिंग शिवाचार्य महाराज आंबाजोगाईकर ,,श्री विरुपाक्ष शिवाचार्य महाराज मन्मथ धाम, श्री नंदिकेश्वर शिवाचार्य महाराजांनी यावेळी बोलताना सांगितले. वीरशैव लिंगायत समाज परळीच्या वतीने येथील श्री संत गुरुलिंग स्वामी मठ बेलवाडी मध्ये श्री ष ब्र 108 श्री गुरू शांतेश्वर स्वामीजी(, हिरेमठ संस्थान, नेगळूरू, जिल्हा हावेरी,कर्नाटक) यांच्या आषाढमास तपोअनुष्ठान निमित्त दिनांक 20 जुलै रोजी सायंकाळी श्री विरुपाक्ष शिवाचार्य महाराज मन्मथ धाम, श्री शभुलिंग शिवाचार्य महाराज आंबाजोगाईकर,श्री नंदिकेश्वर शिवाचार्य महाराज सोनपेठ कर यांच्या उपस्थितीत आरती झाली,व नंदिकेश्वर शिवाचार्य महाराज सोनपेठ कर यांचे वाढदिवसा निमित्त अभिष्टचिंतन करून सत्कार करण्यात आला. प्रभू श्री वैद्यनाथाच्या सानिध्यात माझा वाढदिवस साजरा केला गेला हे माझे भाग्य आहे, असे नंदिकेश्वर शिवाचार्य महाराज सोनपेठ कर महाराज म्हणाले,यावेळी श्री गुरू शांतेश्वर स्वामीजी,श्री विरुपाक्ष शिवाचार्य महाराज मन्मथ धाम, श्री शभुलिंग शिवाचार्य महाराज आंबाजोगाईकर ,यांची उपस्थिती होती,कार्यक्रमातस भक्तगण मोठया संख्यने उपस्थित होते,यावेळी ,श्री विरुपाक्ष शिवाचार्य महाराज मन्मथ धाम,श्री शभुलिंग शिवाचार्य महाराज आंबाजोगाईकर यांचे प्रवचन झाले.
टिप्पण्या
टिप्पणी पोस्ट करा