*गाढे पिंपळगाव येथे बैलपोळा उत्साहात साजरा*
परळी वैजनाथ दि.२६ (प्रतिनिधी)
तालुक्यातील गाढे पिंपळगाव येथे दरवर्षी प्रमाणे याहीवर्षी बैलपोळा परंपरेनुसार उत्साहात साजरा करण्यात आला. गेल्या दोन वर्षात कोरोना परिस्थिती मुळे बैलपोळा साजरा करता आला नाही. यंदा हरहर महादेवच्या घोषणेत बैलांच्या भव्य मिरवणूका काढण्यात आल्या.
गाढे पिंपळगाव येथे बैलपोळा शेतकऱ्यांचा सण उत्साहात साजरा करण्यात आला. गेले दोन वर्षे पोळा सण शेतकऱ्यांना कोरोनामुळे साजरा करता आला नाही. गाढे पिंपळगाव येथे प्रत्येक सणांचे मान गावपातळीवर परंपरेने ठरवण्यात आले आहेत, होळीचा मान शरदराव राडकर, दसऱ्याचा मान मार्तंडराव वाघमोडे, यांच्याकडे आहेत ही परंपरा गेले अनेक वर्षांपासून चालू आहे त्यानुसार बैलपोळ्याचा मान जि.प.चे माजी समाजकल्याण सभापती प्रभाकर वाघमोडे यांच्या कडे परंपरागत आहे. गावात सुरुवातीला वाघमोडे यांच्या बैलाची वाजत गाजत मिरवणूक काढली जाते. मारुती व महादेव मंदीराला पाच फेरी घालून गावात वेशीवर जे तोरण आहे हे त्यांच्या कडून तोडले जाते व संपूर्ण गावात ही मिरवणूक काढण्यात येते. त्यानंतर गावातील इतर सर्व शेतकऱ्यांच्या बैलांच्या मिरवणूका हरहर महादेवच्या घोषणा देत वाजत गाजत काढण्यात येतात. या वर्षी ही परंपरागत पध्दतीने पोळा साजरा करण्यात आला. यंदा पावसाळ्याच्या सुरुवातीपासून पाऊस चांगला झाल्याने सुगी चांगली आली आहे. दोन वर्षानंतर पुन्हा परंपरेने हा उत्सव साजरा करण्यात येत असल्याने शेतकरी बांधवांमध्ये उत्साह दिसून येत होता.
■ ADVERTIS
टिप्पण्या
टिप्पणी पोस्ट करा