नॅशनल टेस्टिंग एजन्सीने दिली माहिती..

 आरटीओच्या बनावट सह्या करुन गाडीची पासिंग

बीडमध्ये वरिष्ठ लिपीकासह एजंटवर गुन्हा दाखल

बीड ः दुसर्‍या जिल्ह्यात नोंदणी झालेल्या वाहनास बीड जिल्ह्याची पासिंग करुन देण्यासाठी आरटीओच्या बोगस सह्या केल्याचा प्रकार उघडकीस आला. या प्रकरणात कार्यालयातीलच वरिष्ठ लिपीकासह एजंटवर बीड ग्रामीण पोलिस ठाण्यात गुन्हा दाखल करण्यात आला आहे.

बीडचे आरटीओ कार्यालय वेगवेगळ्या गैरप्रकारांमुळे नेहमीच चर्चेत असते. आता कार्यालयातील वरिष्ठ लिपीक सुरेखा डेडवाल यांनी एजंट सय्यद शाकेर सय्यद अहेमद याच्याशी संगनमत करत एआर 9 पी 2283 या वाहनास बीड जिल्ह्याची पासिंग देण्यासाठी यापूर्वी कार्यरत असलेले आरटीओ वैभव राऊत आणि नोंदणी प्रभारी संदिप खडसे यांच्या बोगस सह्या केल्या व या चोरीच्या वाहनास एमएच 23 बीसी 5367 ही बीड जिल्ह्याची पासिंग दिली. हा प्रकार उघडकीस आल्यानंतर ग्रामीण पोलिसात दोघांविरोधात गुन्हा दाखल करण्यात आला आहे. या प्रकरणाचा अधिक तपास पोलिस निरीक्षक साबळे हे करीत आहेत.