कत्तलखान्याकडे जाणार्या 40 गोवंशीय जनावरांची सूटका
पोलिस अधिक्षकांच्या विशेष पथकाची कारवाई
बीड ः दोन पीकअपसह एका आयशर टेम्पोमध्ये गोवंशीय जनावरे घेऊन जात असल्याची माहिती पोलिस अधिक्षकांच्या विशेष पथकाला मिळाली होती. त्यानुसार शनिवारी सकाळी कारवाई करत 40 जनावरांची सूटका करण्यात आली. यावेळी पाचजणांना ताब्यात घेण्यात आले.
जामखेड येथून दोन पिकअप व एका आयशर टेम्पोमध्ये बीडकडे नेली जात असल्याची माहिती पोलिस अधिक्षक यांच्या विशेष पथकाचे प्रमुख सहाय्यक पोलिस उपनिरीक्षक विलास हजारे यांना शनिवारी सकाळी मिळाली. त्यानुसार त्यांनी सापळा लावत चुंबळी फ ाटा येथे ही वाहने अडवली असता त्यामध्ये गोवंशीय 40 जनावरे नेली जात होती. अतिशय निर्दयीपणे या जनावरांना वाहनांमध्ये कोंडण्यात आले होते. या जनावरांची सूटका करत पोलिस पथकाने सय्यद खलील सय्यद शौकत (रा. मोमीनपुरा), मोमीन शफिक मोमीन इस्माईल (रा. मोहम्मदया कॉलनी पेठ बीड), नशीर दिबंजी कुरेशी (रा. खंडेश्वरी मंदिर जवळ, पेठ बीड), मझहर सलाम कुरेशी (रा.पाथरूड), रजाक दगडू कुरेशी (रा. मादळमोही ता.गेवराई जिल्हा बीड) यांना ताब्यात घेतले. या सर्वांनी वाहन मालक कदीरमिया अहमदमिया कुरेशी (रा. मोमीनपुरा बीड), हुमेर सत्तार कुरेशी (रा. मोमीनपुरा, बीड), अफरोज इब्राहिम कुरेशी (रा. मोमीनपुरा बीड) यांच्या सांगण्यावरून ही जनावरे कत्तलीसाठी आणली होती. या सर्वांविरोधात गुन्हा नोंद करण्यात आला आहे. तसेच तीन वाहने आणि 40 गोवंश जातीची जनावरे असे एकूण 15 लाख 85 हजार रुपये किमतीचा मुद्देमाल जप्त करण्यात आला आहे.
सदरची कारवाई पोलीस अधीक्षक श्री नंदकुमार ठाकूर, अप्पर पोलीस अधीक्षक यांच्या मार्गदर्शनाखाली विशेष पथक प्रमुख सपोनी विलास हजारे, पोलीस नाईक शिवदास घोलप, पोलीस अमलदार किशोर गोरे, पोलीस अंमलदार विनायक कडू, पोलीस अंमलदार बालाजी बासतेवाड, चालक पोलिस अमलदार गणपत पवार यांनी केली.
--------
टिप्पण्या
टिप्पणी पोस्ट करा