MB NEWS- *महाराष्ट्र विद्यालयाचा विद्यार्थी शिष्यवृत्तीस पात्र*

 *महाराष्ट्र विद्यालयाचा विद्यार्थी शिष्यवृत्तीस पात्र*

परळी / प्रतिनिधी

परळी तालुक्यातील मोहा येथील महाराष्ट्र माध्य व उच्च माध्य विद्यालयाचा विद्यार्थी शुद्धोधन अशोक शिंदे हा (एन एम एम एस ) राष्ट्रीय आर्थिक दुर्बल घटक शिष्यवृत्तीसाठी पात्र ठरला आहे. याबद्दल त्याचे सर्व स्तरातून अभिनंदन होत आहे.

ग्रामीण भागातील नामांकित व गुणवत्तापूर्ण शिक्षण देणारी शाळा म्हणून नावलौकिक असलेल्या महाराष्ट्र माध्य व उच्च माध्य शाळेतील 2  विद्यार्थी एन.एम.एम.एस या परीक्षेत उत्तीर्ण झाले असून  

शुद्धोधन अशोक शिंदे हा विद्यार्थी गुणवत्ता श्रेणीत उत्तीर्ण होत एन एम एम एस राष्ट्रीय आर्थिक दृष्ट्या दुर्बल घटक शिष्यवृत्तीकरिता तो पात्र ठरला आहे. त्याला केंद्र शासनाची प्रतिवर्ष 12000 याप्रमाणे सलग चार वर्ष एकूण 48 हजार अशी शिष्यवृत्ती मिळणार आहे.तर शाळेची दुसरी विद्यार्थिनी सायली प्रल्हाद राजमाने ही देखील या शिष्यवृत्ती परीक्षेत उत्तीर्ण झाली असून केवळ 2 गुणाने तिचा गुणवत्ता यादीत समावेश न झाल्याने शिष्यवृत्ती मिळण्यापासून वंचीत राहिली.शालेय विद्यार्थ्यांच्या या यशाबद्दल त्याचे सर्व स्तरातून कौतुक होत आहे.

गुणवंत विद्यार्थ्यांच्या या यशाबद्दल शाळेच्या वतीने शाळेचे मुख्याध्यापक, उपमुख्याध्यापक, पर्यवेक्षक व सर्व शिक्षक कर्मचाऱ्यांनी सत्कार करून पुढील शैक्षणिक वाटचालीस शुभेच्छा दिल्या.