कॉ.गंगाधरअप्पा बुरांडे स्मृती निमित्त शनिवारी प्रा. इंद्रजित भालेराव यांचे व्याख्यान
परळी / प्रतिनिधी
झुंजार स्वातंत्र्य सेनानी,बीड जिल्ह्याचे माजी खासदार,डाव्या चळवळीचे शिलेदार, महाराष्ट्र शिक्षण संस्था मोहा संस्थापक कॉ. गंगाधरअप्पा बुरांडे यांच्या 14 व्या स्मृतीदिनानिमित्त शनिवारी (दि.१) रोजी परळी तालुक्यातील मोहा येथे ग्रामीण साहित्यीक व शेतकरी कवी प्रा. इंद्रजीत भालेराव यांचे ग्रामीण भागातील शिक्षणाची सद्यःस्थिती व समाजाची भुमीका या विषयावर व्याख्यान होणार आहे.
बीड जिल्हयाचे माजी खा.कॉ गंगाधर बुरांडे यांच्या स्मृती निमित्त मागील १४ वर्षा पासुन शेती, पर्यावरण, पाणी, माती, शैक्षणीक, शेतकऱ्यांच्या संबंधी सरकारचे धोरण यासह वंचित, पिडीत व रोजगाराच्या प्रश्नाचा उहापोह करण्यासाठी मोहा येथे व्याख्यानमाला आयोजीत करण्यात येत आहे. कॉ गंगाधरअप्पा बुरांडे स्मृती प्रतिष्ठाण अंबाजोगाई व महाराष्ट्र शिक्षण संस्था मोहा च्या वतीने व्याख्यानमालेचे १४ वे पुष्प वाहण्यात येणार आहे.यापूर्वी या व्याख्यानमालेस आपल्या कर्तृत्वाने राज्य नव्हे तर देशभरात ओळख निर्माण करणारे व्यक्तिमत्त्व या व्यासपीठावर उपस्थित राहिले आहेत.या वेळी या व्याख्यानमालेचे 14 वे पुष्प गुभण्यासाठी ग्रामीण साहित्यीक व शेतकरी कवी प्रा. इंद्रजित भालेराव यांचे ग्रामीण भागातील शिक्षणाची सद्यःस्थिती व समाजाची भुमीका या विषयावर व्याख्यान होणार आहे.या कार्यक्रमाच्या अध्यक्षस्थानी शाळेचे माजी विद्यार्थी, सिटु चे राष्ट्रीय उपाध्यक्ष तथा कॉ. गंगाधरअप्पा बुरांडे स्मृती प्रतिष्ठाणचे अध्यक्ष कॉ.डॉ.डी.एल.कराड असणार आहेत. शनिवार (दि.१) सकाळी ११:०० वाजता परळी तालुक्यातील मोहा येथील महाराष्ट्र माध्य व उच्च माध्य विद्यालयात या व्याख्यानाचा कार्यक्रम होणार आहे. या कार्यक्रमास शेतकरी, शेतमजुर व नागरीकांनी मोठया संख्येनी सहभागी व्हावे असे आवाहन कॉ. गंगाधरअप्पा बुरांडे स्मृती प्रतिष्ठाण अंबाजोगाई व महाराष्ट्र शिक्षण संस्था मोहा च्या वतीने करण्यात आले आहे.
टिप्पण्या
टिप्पणी पोस्ट करा