*इंग्रजी माधयामातुन शिका पण भारतीय संस्कृती जपा- डाॅ सुरेश चौधरी
भविष्यात हीच मुले शाळेचे नाव उज्ज्वल करतील-प्रा. डाॅ. जगतकर
लावण्याई पब्लिक स्कूल मध्ये मराठवाडा मुक्ती संग्राम दिन उत्साहात साजरा
परळी वैजनाथ (प्रतिनिधी ) 17 सप्टेंबर या मराठवाडा मुक्ती संग्राम दिन लावण्याई पब्लिक स्कूल मध्ये उत्साहात साजरा करण्यात आला. यावेळी बोलतांना डाॅ चौधरी म्हणाले की, मुलांना ईंग्रजी माध्यमातुन शिकवा पण हे शिक्षण घेत असतांना आपली भारतीय संस्कृती जपली पाहिजे असे मत या वेळी बोलतांना व्यक्त केले तर प्रा. डाॅ विनोद जगतकर यांनी मोलाचे मार्गदर्शन करून लावण्याई पब्लिक स्कुल मधील मुले भविष्यात मोठे होवुन शाळेचे नाव उज्वल करतील असा विश्वास असल्याचे प्रा डॉ जगतकर यांनी बोलताना व्यक्त केले
लावण्याई पब्लिक स्कूल मध्ये मराठवाडा मुक्ती संग्राम दिना निमित्त कार्यक्रमाचे आयोजन करण्यात आले होते. यावेळी डाॅ सुरेशचंद्र चौधरी यांच्या हस्ते ध्वजारोहण करण्यात आले या कार्यक्रमात लक्ष्मीबाई देशमुख महिला महाविद्यालयातील इतिहास विभाग प्रमुख प्रा. डाॅ विनोद जगतकर, माजी सैनिक दता नागापुरे, रविंद्र पुराणिक, मुख्याध्यापक अस्मिता गोरे ( जैन), शाळेचे अध्यक्ष अनंत कुलकर्णी आदि मान्यवर उपस्थित होते. यावेळी पुढे बोलताना डाॅ चौधरी म्हणाले की, प्रत्येक पालकांना वाटते आपला मुलगा, मुलगी इंग्लिश मधुन बोलता आले पाहिजे, वाचता आले पाहिजे हे ठिक आहे ईंग्रजी शिकत असतांना आपली संस्कृतीचा मुलांना विसर पडता कामा नये या कडे लक्ष देणे गरजेचे आहे तरच आपली संस्कृती टिकले असे मत व्यक्त केले. या नंतर प्रा डाॅ विनोद जगतकर यांनी पुढे बोलताना सांगितले की, या लावण्याई पब्लिक स्कुल मधील मुले नक्कीच भविष्यात शाळेचे नाव केल्याशिवाय राहणार नाहीत तसेच मराठवाडा मुक्ती संग्राम लढ्याचा इतिहास त्यांनी मुलांसमोर ठेवला. हा इतिहास पुढील पिढीला माहिती असणे आवश्यक आहे. तसेच हे मराठवाडा मुक्ती लढ्याचे अमृत महोत्सवी वर्षे असून वर्षे भर विविध कार्यक्रमातून हा इतिहास मांडला पाहिजे असे मत व्यक्त केले. या कार्यक्रमात मराठवाडा मुक्ती संग्राम दिनानिमित्त मुलांनी भाषणे केले .
या कार्यक्रमाचे सुत्रसंचालन पुजा बिडवे यांनी केले तर प्रास्ताविक कविता विधै यांनी केले शेवटी आभार प्रदर्शन वैष्णवी स्वामी यांनी केले . या वेळी शाळेतील शिक्षिका हर्षदा परदेशी व शेख सर उपस्थित होते
टिप्पण्या
टिप्पणी पोस्ट करा