MB NEWS-माता सुरक्षित तर घर सुरक्षित अभियान:

 माता सुरक्षित तर घर सुरक्षित अभियान:  लक्ष्मीबाई देशमुख महिला महाविद्यालयात आरोग्य तपासणी शिबीर 

परळी वैजनाथ दि.२८ (प्रतिनिधी)

          महाराष्ट्र शासनाच्या आरोग्य विभागाच्या वतीने संपूर्ण महाराष्ट्रात नवरात्री निमित्त "माता सुरक्षित तर घर सुरक्षित" अभियान राबविण्यात येत आहे. या अभियानांतर्गत येथील लक्ष्मीबाई देशमुख महिला महाविद्यालयात आरोग्य तपासणी शिबीर घेण्यात आले. यास विद्यार्थिनींचा मोठा प्रतिसाद मिळाला.

               येथील लक्ष्मीबाई देशमुख महिला महाविद्यालयात आरोग्य विभाग व राष्ट्रीय सेवा योजनेच्या वतीने आरोग्य तपासणी शिबीराचे आयोजन करण्यात आले होते. आरोग्य तपासणी शिबीराच्या सुरुवातीला क्रांती ज्योती सावित्रीबाई फुले यांच्या प्रतिमेचे पूजन मान्यवरांच्या उपस्थितीत करण्यात आले. तर शिबीराचे उद्घाटन संस्थेच्या संचालिका डॉ. मिनल लोहिया यांच्या हस्ते करण्यात आले. यावेळी तालुका आरोग्य अधिकारी डॉ लक्ष्मण मोरे, संस्थेच्या संचालिका छायाताई देशमुख, प्रा.डॉ. विद्याताई देशमुख, प्रा.स्नेहा देशमुख, प्राचार्य डॉ. लक्ष्मण मुंडे, डॉ संदिप घुगे, डॉ. राजमाने, डॉ सविता मुंडे, डॉ प्रियंका डोळे, डॉ. घुबडे, डॉ बालाजी फड, विष्णू मुंडे उपस्थित होते. डॉ. मिनल लोहिया, डॉ लक्ष्मण मोरे यांनी मनोगते व्यक्त केले. डॉ लोहिया यांनी उद्घाटनपर भाषणात सांगितले की, मुलींसाठी सातत्याने आरोग्य शिबिरे आयोजित करणे आवश्यक आहे. तर डॉ. मोरे यांनी सांगितले की, माता सुरक्षित तर घर सुरक्षित अभियान यशस्वी करण्यासाठी आपल्या सर्वांच्या सहकार्याची आवश्यकता आहे. तालुक्यात हे अभियान पुर्णपणे यशस्वी करणार आहे. याची सुरुवात महिला महाविद्यालयातून झाली असल्याचे प्रतिपादन केले. प्रास्ताविक प्रा.डॉ. विनोद जगतकर यांनी तर सुत्रसंचालन प्रा.प्रविण फुटके यांनी केले. कार्यक्रमास आरोग्य विभागाचे अधिकारी, कर्मचारी, महालँबचे तंत्रज्ञ, विद्यार्थी, महाविद्यालयातील प्राध्यापक, शिक्षकेत्तर कर्मचारी मोठ्या संख्येने उपस्थित होते. यावेळी जवळपास २०० विद्यार्थिनींची आरोग्य तपासणी व टेस्ट करण्यात आली.