■मराठवाडा मुक्ती संग्रामाचा पाठय पुस्तकात समावेश व्हावा-डॉ.विवेक मॉंटोरो
परळी / प्रतिनिधी
देशाच्या स्वतंत्र संग्रामाप्रमाणे मराठवाडा मुक्ती संग्राम इतिहास आहे.निजामशाहीच्या जुलमी राजवटीतून मराठवाडा मुक्त करण्यासाठी मराठवाड्यात अनेकांनी आपल्या जीवाची आहुती देत शहीद झाले.मराठवाडा मुक्ती संग्राम इतिहास भावी पिढीला कळवा,त्यातून प्रेरणा मिळावी याकरिता मराठवाडा मुक्ती संग्रामाचा इतिहास पाठय पुस्तकात असावा असे मत संशोधन,गणितज्ञ डॉ.विवेक मॉंटोरो यांनी व्यक्त केले.
परळी तालुक्यातील महाराष्ट्र प्राथमिक, माध्यमिक व उच्च माध्यमिक विद्यालय, मोहा येथे 74 व्या मराठवाडा मुक्तीदिनानिमित्त ध्वजारोहण कार्यक्रम प्रसंगी ते प्रमुख अतिथी म्हणून उपस्थित होते.या प्रसंगी पुणे येथील नवनिर्मिती फौंडेशनच्या संचालिका गीता महाशब्दे, स्वाती मोरे,संस्थेचे सचिव एड.अजय बुरांडे,जेष्ठ संचालक सुदामदादा देशमुख, सुदाम शिंदे,सखाराम शिंदे आदी उपस्थित होते.या प्रसंगी डॉ.विवेक मॉंटोरो यांच्या हस्ते मुख्य ध्वजारोहण संपन्न झाले.
अमेरिका येथील जागतिक ख्यातीचे स्टोनी ब्रूक या विद्यापीठातून गणितीय भौतिकशास्त्र या विषयात पीएचडी करून राज्यात गणित विषयात संशोधन व प्रशिक्षण देण्याचे कार्य करणारे डॉ.विवेक मॉंटोरो यांनी पुढे बोलताना सांगितले की मराठवाडा मुक्ती संग्राम खूप मोठा आहे.देशाला स्वातंत्र्य मिळवून ही निजाम आपले साम्राज्य स्वतंत्र भारतात विलीन करण्यास तयार नव्हता मात्र मराठवाड्यातील स्वामी रामानंद तीर्थ,गोविंद भाई श्राफ, कॉ.गंगाधर अप्पा बुरांडे या सारख्या असंख्य झुंजार स्वातंत्र्यसेनानी मराठवाडा मुक्तीसाठी आपले जीवन समर्पित केले अनेकांनी आपल्या जीवाची आहुती दिली.हा इतिहास खूप मोठा असून याचा समावेश होणे अपेक्षित असताना मात्र विद्यमान काळात केवळ शिक्षण क्षेत्राचे खाजगीकरण करण्यावर भर देण्याचे सुरू असल्याचे सांगितले.
या ध्वजारोहण प्रसंगी शाळेतील विद्यार्थ्यांनी सांस्कृतिक कार्यक्रम सादर करून वातावरण देशभक्तीमय केले.हा कार्यक्रम यशस्वी संपन्न करण्यासाठी शाळेचे प्राचार्य धनंजय देशमुख, उपमुख्याध्यापक सुरेश बुरांडे,पर्यवेक्षक विनायक राजमाने,प्राथमिक शाळेच्या मुख्याध्यापिका सौ.मनीषा जाधव मॅडम,सर्व शिक्षक, शिक्षकेतर कर्मचारी यांनी प्रयत्न केले.
टिप्पण्या
टिप्पणी पोस्ट करा