विश्व हिंदू परिषदेच्या वतीने परळी वैद्यनाथ येथे वसुबारस/गोवत्स द्वादशी उत्साहात साजरी
परळी वैजनाथ, प्रतिनिधी...
विश्व हिंदू परिषद, परळी-वैद्यनाथ तर्फे आज दि. २१/१०/२०२२ *वसुबारस अथवा गोवत्स द्वादशीचा* कार्यक्रम विविध ठिकाणी पारंपारिक पद्धतीने मोठ्या उत्साहात साजरा केला.
विश्व हिंदू परिषद, परळी-वैद्यनाथ सत्संग प्रमुख श्री रविंद्रजी वेताळ व मातृशक्ती प्रखंड संयोजिका सौ. अपर्णाताई वेताळ यांनी गोमातेला व वासरास साडी चोळीचा आहेर अर्पण केला.
वसुबारस कार्यक्रमाचे धार्मिक महत्त्व विश्व हिंदू परिषद सत्संग प्रमुख ह. भ. प. श्री रविंद्रजी वेताळ यांनी विषद केले तर वैद्यानिक महत्त्व प्रसिद्ध फोटोग्राफर व गोप्रेमी श्री सुनीलजी फुलारी यांनी विस्तृतपणे सांगितले.
जास्तीत जास्त प्रमाणात गोउत्पाद (दुध, दही, तुप, धूप, गोवरी, सेंद्रिय शेतीतील उत्पादन) वापरून सर्वसामान्य जनतेने गोसेवा व गोसंवर्धनात सहभागी व्हावे असे आवाहन विश्व हिंदू परिषद परळी-वैद्यनाथ शहर मंत्री श्री वैभवजी धोंड यांनी केले.
प्रसिद्ध गोपालक श्री. सचिनजी येवतेकर यांनी गोसेवेचे अनुभव व गोमुत्र अर्काचा मानवी आरोग्यावर होणारा चांगला परिणाम पत्रक वितरीत करून सांगितला.
वैद्यनाथ देवल कमेटिचे विश्वस्त व गोपालक श्री प्रदीपराव देशमुख यांनी अनेक पिढ्यांपासून त्यांच्या घरात असलेले गायीसोबतचे भावनिक नाते उलगडून सांगितले.
ह्या कार्यक्रमामध्ये गोपूजना सोबतच गोपालकांचा ( श्री नवनाथजी सोळंके, श्री. प्रदीपराव देशमुख, श्री. ओपळेजी, श्री रामरक्षा गोशाळेचे श्री रतनसेठ कोठारी, वृंदावनी डेअरीचे श्री सचिनजी येवतेकर व विश्व हिंदू परिषद प्रखंड मंत्री श्री शैलेशजी पांडे, श्री बाळकृष्णजी फुले) हार, श्रीफळ देऊन यथोचित सत्कार विश्व हिंदू परिषद, परळी-वैद्यनाथ तर्फे करण्यात आला.
ह्या प्रसंगी श्री रतनसेठ कोठारीजी, गोप्रेमी व समाजसेवक श्री हरिप्रसादजी मोदानी व श्री नंदसेठजी खानापुरे यांनी सर्वोतोपरी सहकार्य करण्याचे आश्वासन दिले आहे.
वसुबारस कार्यक्रम परळी वैद्यनाथ मध्ये विविध ठिकाणी साजरा करण्यासाठी विश्व हिंदू परिषद, परळी-वैद्यनाथ च्या सर्व पदाधिकारी वर्गाने चोख नियोजन केले होते व पुढील वर्षी वसुबारसचा कार्यक्रम अजून भव्य, दिव्य प्रमाणात साजरा करण्याचा संकल्प व्यक्त केला आहे.
टिप्पण्या
टिप्पणी पोस्ट करा