MB NEWS-बेलंब्याचे प्रसिद्ध हलकी वादक साहेबराव कांबळे यांनी भरला सरपंच पदासाठी तर नामेदव गित्ते (अपक्ष) म्हणून अर्ज दाखल
बेलंब्याचे प्रसिद्ध हलकी वादक साहेबराव कांबळे यांनी भरला सरपंच पदासाठी तर नामेदव गित्ते (अपक्ष) म्हणून अर्ज दाखल
परळी वैजनाथ, प्रतिनिधी
तालुक्यात सध्या ग्रामपंचायत निवडणुकीची धामधूम मोठ्या प्रमाणावर सुरू आहे. या निवडणुकीत अनेक इच्छुक उमेदवार आपापले उमेदवारी अर्ज सादर करत आहेत. तालुक्यातील महत्त्वपूर्ण ग्रामपंचायत म्हणून ओळख असलेल्या बेलंबा ग्रामपंचायतसाठी जीवनभर आपल्या हलगी वादनाने प्रसिद्ध असलेल्या साहेबराव कांबळे यांनी सरपंच पदासाठी अर्ज दाखल केला आहे.
बेलंबा ग्रामपंचायत निवडणुकीत सरपंच पद हे अनुसूचित जातीसाठी आरक्षित आहे. यासाठी अनेक जण इच्छुक उमेदवार आपापले उमेदवारी अर्ज दाखल करत आहेत. गावात आणि परिसरामध्ये जीवनभर हलगी वादक म्हणून प्रसिद्ध असलेले व सर्वांची सहानुभूती असलेले व्यक्तिमत्व म्हणून साहेबराव गोविंद कांबळे यांची ओळख आहे. त्यांनी सरपंच पदासाठी आपली उमेदवारी दाखल केली आहे. त्याचबरोबर नामदेव धोंडीराम गित्ते यांनी ग्रामपंचायत सदस्य पदासाठी अर्ज दाखल केला आहे. ग्रामपंचायत निवडणुकीत अनेक वैशिष्ट्यपूर्ण उमेदवारी अर्ज व ग्रामीण भागातील विविध क्षेत्रातील विशेष कार्य करणारे व्यक्ती या निवडणुकीत आपले उमेदवारी अर्ज दाखल करत आहेत. यापैकीच हलगी वादक म्हणून प्रसिद्ध असलेल्या साहेबराव कांबळे यांचा सरपंच पदासाठी चा अर्जही या निवडणुकीतील एक वैशिष्ट्य ठरले आहे.
टिप्पण्या
टिप्पणी पोस्ट करा