MB NEWS-संविधान दिन उत्साहात साजरा

 लक्ष्मीबाई देशमुख राष्ट्रीय सेवा योजनेच्या वतीने संविधान दिन उत्साहात साजरा

परळी वैजनाथ दि.२६ (प्रतिनिधी)

             येथील लक्ष्मीबाई देशमुख महिला महाविद्यालयाच्या राष्ट्रीय सेवा योजना विभाग व राज्यशास्त्र विभागाच्या वतीने संविधान दिना निमित्त कार्यक्रमाचे आयोजन करण्यात आले होते. याच कार्यक्रमात २६/११ च्या हल्ल्यात शहीद झालेल्या जवानांना आदरांजली वाहण्यात आली.

                 शहरातील लक्ष्मीबाई देशमुख महिला महाविद्यालयात राष्ट्रीय सेवा योजना विभाग व राज्यशास्त्र विभागाच्या वतीने संविधान दिना निमित्त कार्यक्रमाचे आयोजन शनिवारी (दि.२६) करण्यात आले. कार्यक्रमास संस्थेचे अध्यक्ष संजय देशमुख, प्राचार्य डॉ लक्ष्मण मुंडे, प्रमुख वक्ते प्रा.डॉ. विनोद जगतकर उपस्थित होते. कार्यक्रमाच्या सुरुवातीला भारतरत्न डॉ बाबासाहेब आंबेडकर यांच्या प्रतिमेचे मान्यवरांच्या उपस्थितीत पुष्प अर्पण करून अभिवादन करण्यात आल्यानंतर संविधानाच्या प्रास्ताविकेचे वाचन करण्यात आले. यावेळी कनिष्ट महाविद्यालयातील विद्यार्थिंनींनी बुध्दीबळ स्पर्धेत जिल्हास्तरावर यश संपादन केल्याबद्दल अरशिया कच्ची, मुस्कान शेख, प्रणिता देवधरे यांचा सत्कार  तसेच प्रशिक्षक श्री.तपके यांचा करण्यात आला. मुख्य मार्गदर्शक प्रा.डॉ. विनोद जगतकर यांनी विद्यार्थ्यांना मार्गदर्शन करताना सांगितले की, भारताचे संविधान जगात एकमेव आहे की, ज्या संविधानाची सुरुवात आम्ही लोक व शेवट जनतेलाच समर्पित करण्यात आले असल्याने प्रतिपादन केले. प्राचार्य मुंडे व विद्यार्थिनींनी यांनी मनोगत व्यक्त केले, कार्यक्रमाचा अध्यक्षीय समारोप कार्यक्रमाचे अध्यक्ष संजय देशमुख यांनी केला. प्रास्ताविक प्रा.प्रविण फुटके, सुत्रसंचालन राष्ट्रीय सेवा योजनेच्या कार्यक्रमाधिकारी प्रा. राजर्षी कल्याणकर, आभार प्रा.डॉ. रंजना शहाणे यांनी मानले तर कार्यक्रमास प्रा.डॉ.प्रविण दिग्रसकर, प्रा.राठोड यांच्यासह प्राध्यापक, शिक्षक, शिक्षकेत्तर कर्मचारी, विद्यार्थी मोठ्या संख्येने उपस्थित होते. कार्यक्रमात २६/११ च्या हल्ल्यात शहिद झालेल्या पोलीस अधिकारी, कर्मचाऱ्यांना आदरांजली वाहण्यात आली. राष्ट्रगीताने कार्यक्रमाचा समारोप करण्यात आला.