MB NEWS:शिक्षकांचा प्रतिनिधी म्हणून सूर्यकांत विश्वासराव हेच शिक्षक आमदारकीचे खरे दावेदार-अनुप कुसुमकर
शिक्षकांचा प्रतिनिधी म्हणून सूर्यकांत विश्वासराव हेच शिक्षक आमदारकीचे खरे दावेदार-अनुप कुसुमकर
परळी,( प्रतिनिधी):-
मराठवाडा शिक्षक मतदार संघाची निवडणुक नुकतीच जाहिर झाली असुन शिक्षकांच्या प्रश्वावर सातत्याने लढा देणारे मराठवाडा शिक्षक संघटनेचे अधिकृत उमेदवार सूर्यकांत विश्वासराव विजय निश्चित होणार असून सभागृहात असलेल्या प्रतिनिधी हा राजकिय पक्षाचा बांधील नसता तो केवळ शिक्षकांचा प्रतिनिधी असावा अशी प्रतिक्रिया मराठवाडा शिक्षण संघटना परळी तालुका अध्यक्ष अनुप कुसुमकर यांनी दिली.
मागील अनेक वर्षापासून सातत्याने शिक्षकांच्या अनुदानाचे प्रश्न असतील वैयक्तिक मान्यतेचे प्रश्न,संस्थेचालककडून होणाऱ्या अन्याय बाबत शासन दरबारी वाचा फोडणे,जुनी पेन्शन योजना, प्रचलित नियमानुसार अनुदानाचा प्रश्न, तसेच एक नोव्हेंबर 2005 पूर्वी लागलेल्या विना अनुदानित,अंशतः अनुदानित सर्व शिक्षकांना सरसकट जुनी पेन्शन योजना लागू करण्याचा प्रश्न अशा असंख्य प्रश्नासाठी खऱ्या अर्थाने रस्त्यावरची लढाई लढणारा एकमेव व्यक्तिमत्त्व म्हणजे सूर्यकांत विश्वासराव हेच आहेत.जुन्या पेन्शन प्रश्नी सध्याच्या नागपूर अधिवेशन काळात लाखो शिक्षक व इतर कर्मचाऱ्यांना घेऊन शासनास दखल घेण्याजोगे आंदोलन त्यांच्या नेतृत्वात संपन्न झाले . या धडाकेबाज कार्यामुळे व शिक्षक बांधवांनी हाक दिल्यानंतर तात्काळ उपलब्ध होणारे शिक्षकांसाठी पूर्ण वेळ कार्य करणारे असल्यामुळे ते आज मराठवाडा शिक्षक मतदारसंघातील शिक्षकांच्या पहिल्या पसंतीचे उमेदवार आहेत.शिक्षकांच्या प्रश्वांची जाण आणी त्यांचे प्रश्न सोडवुन घेण्याची क्षमता त्यांची आहे.अहोराञ कष्ट घेतल्यानेच त्यांचा शिक्षक मतदार संघातील आमदार होण्याचा मार्ग निश्चित कोणीच रोखू शकत नाही असे मराठवाडा शिक्षक संघाचे तालुका अध्यक्ष अनुप कुसुमकर संघाचे यांनी सांगितले.
टिप्पण्या
टिप्पणी पोस्ट करा