MB NEWS:मनाला विभोर करणाऱ्या व कलेचा सुगंध पसरविणाऱ्या कलाविष्काराने रसिक झाले 'मनविभोर'
मनाला विभोर करणाऱ्या व कलेचा सुगंध पसरविणाऱ्या कलाविष्काराने रसिक झाले 'मनविभोर'
दि. १९ .०१ .२०२३
परळी ( प्रतिनिधी)
कैःलक्ष्मीबाई देशमुख महिला महाविद्यालयात रंगलेले 'मनविभोर' या शीर्षकाचे वार्षिक स्नेहसंमेलन उत्साहात पार पडले.
मान्यवरांच्या हस्ते दीपप्रज्वलन करून व नारळ वाढवून या सांस्कृतिक कार्यक्रमाचे उद्‌घाटन संस्थेचे अध्यक्ष संजय देशमुख, सचिव मा. रवींद्र देशमुख , प्राचार्य डाॅ. एल.एस. मुंडे यांच्या शुभहस्ते संपन्न झाले. सांस्कृतिक विभाग प्रमुख प्रा.डाॅ.आर.के. यल्लावाड , प्रा.डॉ. विनोद जगतकर , सांस्कृतिक विभागातील , प्रा. राजश्री कल्याणकर, प्रा.क्षितिजा देशपांडे , प्रा .डॉ .अरुण चव्हाण , प्रा.विशाल पौळ यांची यावेळी उपस्थिती होती. 'गणाध्यक्षाय धीमहि ' या
गणपती नृत्य गीताने गणेश वंदना करून *मनविभोर सुगंध कलेचा* या सांस्कृतिक कार्यक्रमास प्रारंभ झाला . त्यानंतर सादर झालेल्या
'सत्यम् शिवम् सुंदरम् 'या गाण्यावरील अप्रतिम नृत्याविष्काराने सर्वांनाच मोहिनी घातली .वृषाली साक्षी, शिवानी यांनी 'फू बाई फू या 'गाण्यावर सादर केलेला नृत्यप्रकार दाद घेवून गेला . महाराष्ट्राची लोककला असलेला लोकनृत्यप्रकार व लावण्याचा नयनरम्य आविष्कार करणारा 'लावणी 'नृत्यप्रकार सादर केला . अंकिता वाव्हळे व समूह यांनी सादर केलेल्या 'आली ठुमकत नार लचकत मान मुरडत हिरव्या रानी ' या लावणी नृत्याने महाराष्ट्र कलेचे दर्शन घडवले . भारतीय लोकसंस्कृतीचा उपासक असा, मोरपिसांची टोपी घातलेला 'वासूदेव'कसा गावाला धर्मजागृती देत येतो हे देविका बदाले या विद्यार्थिनीने आपल्या वासुदेव नृत्यात 'गाव जागवीत आली वासुदेवाची स्वारी ' या गीताने दाखवून दिले .
आरती आणि समूहाने 'देश रंगीला 'या देशभक्तीपर गीतावर अप्रतिम नृत्य सादर केले . कावेरी डोळेने कथ्थक हा उत्तर प्रदेशचा नृत्यप्रकार उत्कृष्ट रीतीने सादर करून प्रेक्षकांची दाद घेतली . साक्षी , सायली ,वृषाली , दिव्या व अश्विनी यांनी उत्तम असे युगल नृत्य सादर केले .विनोदी नाटक 'सख्खी बायको मेली ' या नाटकाने सर्व श्रोत्यांना हसवून सोडले . स्त्रियावर होणार्‍या अत्याचाराचे दर्शन तृप्ती तंवर , संध्या , ऐश्वर्या व संध्या यांनी सादर केलेला 'मूकाभिनयातून ' उत्कृष्ट रीतिने घडवले. 'चंद्रमुखी 'लावणी हा कलाप्रकार देविका व गायत्री यांनी सादर केला . ही भन्नाट लावणी पाहताना श्रोतृवृंद दंग होऊन गेले .नेहा,आरती , गीतांजली यांनी 'ए वतन ' हे देशभक्तीपर गीत सादर केले . किरण किरवले आणि समूह यांनी केलेले भीमगीतावरील नृत्य हे श्रोत्यांना मंत्रमुग्ध केले . त्यानंतर प्रियंका होके हिने 'ढोलकीच्या तालावर ' या गाण्यावर अप्रतिम नृत्य सादर केले . गायत्री , स्नेहल व समूह यांनी सादर केलेला कोळीगीत हा कोकणी नृत्यप्रकार श्रोत्यांना आनंद देऊन गेला . कावेरी डोळे . देविका बदाले हिने 'वाजले की बारा ' ही अप्रतिम लावणी सादर केली . मुकाबला साँग - वृषाली आणि समूह . - तृप्ती तंवर हिने केलेल्या 'घुमर' या गीतावरील नृत्याने प्रेक्षकांना ताल धरावयास भाग पाडले . तिचा नृत्याविष्कार डोळ्याचे पारणे फेडणारा होता .
छत्रपति शिवचरित्रावरील गायत्री दीक्षित आणि समूह यांनी केलेला पाळणा नृत्याविष्कार राष्ट्राभिमान जागृत करणारा होता . त्यांच्या हर हर महादेव या शिवगर्जनेने आसमंत दुमदुमून गेला . या कला आविष्कारास प्रा.विशाल पौळ यांनी रु.१०००चा पुरस्कार जाहीर केला . 'मेरे डोलना ' या गीतावर केलेले कावेरी डोळे हिच्या कलात्मक पदलालित्याने उपस्थितांची मने जिंकली . देविका बदाले आणि समूह यांचा महाराष्ट्राची कुलदेवता जगदंबा तुळजाभवानीच्या भक्तीचा आविष्कार करणाऱ्या 'गोंधळ' या लोक कलाप्रकाराचे अप्रतिम सादरीकरण झाले . सरतेशेवटी 'नागिन डान्स' या नृत्यप्रकाराने या रंगारंग कार्यक्रमाची सांगता झाली .
या कार्यक्रमाचे बहारदार सूत्रसंचालन प्रा.डॉ.यल्लावाड व विद्यार्थिनी समूहातील तनुजा देशमुख , सावंत निकिता , समृद्धी सांगळे, पठाण सानिया यांनी केले. सांस्कृतिक विभाग प्रमुख डाॅ.यल्लावाड यांनी महाविद्यालय स्टाफ व उपस्थित परळीकरांचेआभार मानले.
टिप्पण्या
टिप्पणी पोस्ट करा