MB NEWS:बँक ऑफ महाराष्ट्र कर्मचाऱ्यांचा 2 दिवसाचा संप

 बँक ऑफ महाराष्ट्र कर्मचाऱ्यांचा 2 दिवसाचा संप

परळी वैजनाथ ,प्रतिनिधी

महा बँकेतील सर्व कर्मचारी तसेच अधिकारी संघटनांनी एकत्रित येऊन प्रामुख्याने नोकर भरती आणि द्विपक्षीय वाटाघाटीतून कर्मचारी तसेच अधिकारी यांच्या प्रश्नांची सोडवणूक या प्रश्नावर २७ जानेवारी रोजी एक दिवसाचा संप केला आहे. 

दरम्यान कर्मचाऱ्यांच्या मागण्या व्यवस्थापन मंजूर करीत नसल्यामुळे हा संप आता चिघळला आहे. आज दि. ९ आणि १० फेब्रुवारी रोजी पुन्हा संपाची हाक दिली आहे.

डेप्युटी चीफ लेबर कमिशनर मुंबई यांनी मध्यस्थी केल्यानंतरदेखील

व्यवस्थापनाने आपले आडमुठे धोरण कायम ठेवले त्यामुळे कुढलाही तोडगा निघू शकला नाही. या उलट मधल्या काळात बँकेने चतुर्थ श्रेणीतील कर्मचाऱ्यांची भरती केली जाणार नाही आणि ते काम आ ऊटसोर्स केले जाईल, अशी भूमिका घेतली व पाच दशकापासून संघटना कार्यालयासाठी बँकेच्या इमारतीत ज्या जागा दिल्या होत्या त्या बळजबरीने ताब्यात घेतल्या. या शिवाय सरक र तसेच चीफ लेबर कमिशनर यानी निर्देश दिल्या नंतर देखिल ट्रेड युनियन अॅक्टमधील तरतुदींचे पालन करत संघटनेच्या निर्वाचित पदाधिकाऱ्यांशी वाटाघटीची तयारी व्यवस्थपनाने दाखविली नाही. या मुळे बँकेतील औद्योगिक संबंध व्यवस्था अधिकच चिघळत गेली आणि त्यातून ९ आणि १० फेब्रुवारी चा संप आता अटळ बनला.

या संपातील अंतर्भूत प्रश्न पुरेशी नोकर भरती याचा ग्राहक सेवेशी प्रत्यक्ष संबंध आहे हे लक्षात  ग्राहकांनी देखिल या संपाला पाठिंबा द्यावा यासाठी संघटनेतर्फे  आवाहन करण्यात आले. हा संप बँकेतील कर्मचारी अधिकारी पृथ्वीराज सोळंके,बालाजी डवरे, पूजा देशमुख,भाग्यश्री साखरे, मीना जोशी, दिपक घाडगे,विलास जोशी, शिवरत्न आघाव यांनी यशस्वी केला.