MB NEWS:योग व प्राणायामात सातत्य ठेवल्यास आरोग्य सुदृढ राहण्यास मदत होते- योगशिक्षिका सुमन पवार
योग व प्राणायामात सातत्य ठेवल्यास आरोग्य सुदृढ राहण्यास मदत होते- योगशिक्षिका सुमन पवार
चाकुर ता.७ प्रतिनिधी
योग व प्राणायामात सातत्य ठेवल्यास आरोग्य सुदृढ राहण्यास मदत होत असते असे मत योग शिक्षीका सुमन पवार यांनी व्यक्त केले. चाकुर येथे एक दिवसीय योग, ध्यान व प्राणायाम शिबीर घेताना त्या बोलत होत्या.
चाकुर येथील पोलीस कर्मचाऱ्यांसाठी एक दिवसीय योग, प्राणायाम व ध्यान शिबीर मंगळळारी (ता.७) सकाळी सात वाजता पोलीस ठाण्याच्या आवारात घेण्यात आले. पतंजली महिला समितीच्या तालुकाध्यक्षा योग शिक्षीका व सामाजिक कार्यकर्त्या सुमन पवार व प्रा.डाॅ. भानुदास पवार यांनी घेतले. या शिबीरीत अतिरिक्त पोलीस अधिक्षक निकेतन कदम, पोलीस निरिक्षक मोहीते साहेब यांच्या प्रमुख उपस्थीतीत योग शिबीर घेण्यात आले. या शिबीरात सुमारे १५० पोलीस कर्मचारी व कुटुंबीय सहभागी झाले होते. योग शिक्षीका सुमन पवार यांनी योग व प्राणायाम कसे करावे व त्याचे शरिर व मनावर होणारे परिणाम सांगीतले. त्यांनी वेगवेगळया योग प्रकाराची माहीती देउन कशा पध्दतीने करावे याचे प्रशिक्षण दिले. त्याच पध्दतीने प्राणायाम बाबत माहीती दिली. यावेळी बोलतांना त्यांनी योग व प्राणायाम नियमीत करणारांचा आरोग्यावरचा खर्च बंद होउन शरिर निरोगी राहुन मनावर ताबा राहतो. यावेळी प्रा.डाॅ.भानुदास पवार यांनी ध्यान धारणे बाबत माहीती दिली. योगा, प्राणायाम व ध्यान धारणा करणे धाकधकिच्या जिवनात अविभाज्य भाग करण्याचे आवाहन पोलीसांना केले. पोलीसांवर कामाचा कायम ताण रहात असतो. शरिरावरचा व मनावरचा ताण कमी करायचा असेल योग, प्राणायाम व ध्यान धारणा अंगीकारण्याचे आवाहन केले. सुमारे दोन तास चाललेल्या शिबीराचा सर्व पोलीस कर्मचारी व कुटुंबीयांनी लाभ घेतला.
● Video ●
टिप्पण्या
टिप्पणी पोस्ट करा