MB NEWS:वैद्यनाथ महाविद्यालयातील कार्यशाळेत बौद्धिक संपदा ,कॉपी राईट , आणि पेटंट बाबतचे धडे

 वैद्यनाथ महाविद्यालयातील कार्यशाळेत बौद्धिक संपदा ,कॉपी राईट , आणि पेटंट बाबतचे धडे

परळी वैजनाथ ==जवहार शिक्षण संस्थेच्या वैद्यनाथ कॉलेज मध्ये बौद्धिक संपदा ,कॉपी राईट , आणि पेटंट एक  दिवशीय कार्यशाळेचे आयोजन संगणक विभाग मार्फत करण्यात आले .प्रमुख वक्ते म्हणून अतुल खाडे पेटंट अधिकारी ( गॅझेटेड ऑफिसर ग्रुप ए )  मुंबई ,भारत सरकार यांनी  बौद्धिक संपदा  कशी महत्वाची आहे असे सांगून आजच्या युगामध्ये बौद्धिक संपदेचे महत्व  याविषयी सखोल मार्गदर्शन केले . तसेच आपल्या दैनंदिन जीवनात कॉपी राईट  व ट्रेंड मार्क   याचे महत्व व्यवहारिक क्षेत्रात कितपत आहे व त्याचे उपयोजन  अनेक उदाहरणे देऊन स्पष्ट केले . संशोधन करणे, वस्तुनिष्ठ माहिती गोळा करणे ज्याप्रकारे आवश्यक आहे तसेच त्या संशोधनाचा उपयोग समाजासाठी करणे  आवश्यक आहे असे विस्तृत पणे सांगितले.  भारत देशाला आतापर्यंत मिळालेले  पेटंट याविषयी विद्यार्त्याना मार्गदर्शन केले . या कार्यक्रमासाठी अध्यक्ष म्हणून  महाविद्यालयाचे प्राचार्य डॉ. डी.व्ही .मेश्राम यांनी जमीन-जुमला, मालकीचे घर, सोने-नाणे, बँकेतील बचत रक्कम, भली मोठी गाडी ही सारी दृश्य भौतिकसंपत्ती आहे. याशिवाय आणखीही एक वेगळी संपत्ती आहे, पण ती न दिसणारी अशी आहे. ती म्हणजे बौद्धिक संपत्ती चे महत्व विद्यर्थ्यांना सांगितले त्यासाठी विद्यार्थ्यांनी बौद्धिक क्षमता अंगीकारावी असे सांगितले .   या कार्यक्रमाचे सूत्र संचालन  संगणक विभाग प्रमुख डॉ. व्ही .व्ही. मुंडे तर आभार प्रा.डॉ. बी.के. शेप यांनी केले .या कार्यशालेसाठी बहुसंख्येने विद्यार्थी व  प्रा.  डॉ. रा. ज. चाटे  डॉ. व्ही.एल.फड आदींची उपस्थिती होती .

Video....