MB NEWS:मुख्यमंत्री एकनाथ शिंदे यांच्या वाढदिवसानिमित्त गुरुवारी भरगच्च कार्यक्रम
मुख्यमंत्री एकनाथ शिंदे यांच्या वाढदिवसानिमित्त गुरुवारी भरगच्च कार्यक्रम
रुद्राभिषेक,वृध्दाश्रमात आरोग्य तपासणी, अन्नदान, गुरांना चारा वाटप करणार-धनंजय गित्ते
परळी (प्रतिनिधी)
महाराष्ट्राचे मुख्यमंत्री एकनाथ शिंदे यांच्या वाढदिवसानिमित्त बाळासाहेबांची शिवसेना परळी विधानसभेच्या वतिने गुरुवार दि.9 फेब्रुवारी रोजी भरगच्च कार्यक्रमांचे आयोजन केले असुन अनाथांचे नाथ म्हणुन प्रसिद्ध असलेल्या मुख्यमंत्र्याचा वाढदिवस अनाथांसोबत एक दिवस घालवुन त्यांच्यासोबत भोजन,आरोग्य तपासणी करत साजरा करण्यात येणार असल्याची माहिती विधानसभा प्रमुख धनंजय गित्ते यांनी दिली.
महाराष्ट्राचे मुख्यमंत्री एकनाथ शिंदे यांचा गुरुवार दि.9 फेब्रुवारी रोजी वाढदिवस असुन यानिमीत्त खा. श्रीकांत शिंदे,खा.गजानन कीर्तिकर, मुख्य सचिव संजय मोरे,माजी मंत्री अर्जुन खोतकर,माजी मंत्री सुरेश नवले,जिल्हा प्रमुख सचिन मुळूक यांच्या मार्गदर्शनाखाली गुरुवारी सकाळी प्रभु वैद्यनाथास रुद्राभिषेक करण्यात येणार आहे.त्यानंतर सकाळी 10 वा. घाटनांदुर येथील गुरुदास सेवा वृध्दाश्रमातील वृध्दांच्या आरोग्याची तपासणी करुन औषधोपचार करण्यात येणार आहेत.दुपारी 12 वा.वृध्दाश्रमातील वृध्दांना अन्नदान करण्यात येणार आहे.त्यानंतर गोशाळेतील गुरांना चारा वाटप करण्यात येणार आहे.मुख्यमंत्री एकनाथ शिंदे हे अनाथांचे नाथ म्हणुन ओळखले जातात.त्यांच्या वाढदिवसानिमित्त त्यांच्या कार्यास साजेसे असे अनाथांची सेवा करण्याचे उपक्रम आम्ही राबवत असल्याचे बाळासाहेबांची शिवसेनेचे विधानसभा प्रमुख धनंजय गित्ते यांनी सांगितले.या कार्यक्रमास सचिन स्वामी बालासाहेब देशमुख संजय कदम गावडे,दीपक जोशी सागर बुंदूले,रमेश लोखंडे ,नवनाथ सरवदे, गोविंद चिवडे, नवनाथ लोभे, वैजनाथ देशमुख नारायण फड,राजेश पुरभैये, गणेश सारस्वत,जगन्नाथ कदम रमेश पवार वैजनाथ लोखंडे पांडुरंग पाणखडे राजेश लोणीकर, हरी लोखंडे हनुमान सरवदे आदी शिवसैनिक उपस्थित रहाणार आहेत.
टिप्पण्या
टिप्पणी पोस्ट करा