MB NEWS:महात्मा बसवेश्वर आर्थिक विकास महामंडळाची स्थापना केल्याबद्दल लिंगायत समाजतर्फे परळीत आनंदोत्सव.

 महात्मा बसवेश्वर आर्थिक विकास महामंडळाची स्थापना केल्याबद्दल लिंगायत समाजतर्फे परळीत आनंदोत्सव

परळी वैजनाथ

महाराष्ट्र सरकारने जगतज्योति महात्मा बसवेश्वर आर्थिक विकास महामंडळाची स्थापना करण्याचा स्वागतार्ह निर्णय घेतल्याबद्दल परळी वैजनाथ लिंगायत समाजातर्फे महाराष्ट्र शासनाचे आभार मानत निर्णयाचे स्वागत व आनंदोत्सव साजरा करण्यात आला. 

महाराष्ट्र सरकारने लिंगायत समाजातील तरुण, सुशिक्षित, बेरोजगार व नव- उद्योजकांना अर्थसहाय्य देण्यासाठी जगतज्योति महात्मा बसवेश्वर आर्थिक विकास महामंडळाची स्थापना करण्याचा स्वागतार्ह निर्णय घेतला आहे. यामुळे युवकांना व्यवसाय उभा करण्यासाठी सरकार महामंडळा मार्फत पतपुरवठा करणार आहे. आर्थिक अडचणी असल्यामुळे लिंगायत समाजातील अनेक युवक व्यवसाय उभा करू शकत नव्हते. महाराष्ट्र शासनाचा हा निर्णय मैलाचा दगड ठरणार असून यामुळे समाजाच्या उन्नतीचे दार उघडले जाणार असल्याचे यावेळी अश्विन मोगरकर यांनी सांगितले.

यापूर्वी या महमंडळाच्या स्थापनेची मागणी अनेकांनी तत्कालीन शासनकर्त्याकडे केली होती. मात्र या सरकारने जगतज्योति महात्मा बसवेश्वर आर्थिक विकास महामंडळाची घोषणा करत सरकारने हा एक क्रांतीकारी निर्णय घेतला आहे अशी प्रतिक्रिया महादेव इटके यांनी यावेळी दिली. सरकारने समाजाच्या उन्नतीसाठी एक चांगले पाऊल उचलले आहे, हा निर्णय फक्त हेच सरकार घेऊ शकते. जगतज्योति महात्मा बसवेश्वर आर्थिक विकास महामंडळाची स्थापना करण्याचा स्वागतार्ह निर्णय घेतल्याबद्दल परळी वैजनाथ वीरशैव समाजातर्फे महाराष्ट्र शासनाचे आभार मानत शुक्रवार दि 10 मार्च रोजी गुरुलिंग स्वामी मंदिर बेलवाडी येथे आतिषबाजी करून पेढे वाटून आनंदोत्सव साजरा करण्यात आला.

याप्रसंगी परळी वैजनाथ लिंगायत समाजाचे महादेव इटके, अश्विन मोगरकर, नितीन समशेट्टे, विकास हालगे, सुशील हरंगुळे, सचिन स्वामी, नरेश पिंपळे, पवन तोडकरी, बंडू चौंडे, वैजनाथ ईटके, श्याम फडकरी, योगेश स्वामी यांच्यासह परळी वैजनाथ येथील लिंगायत समाजबांधव उपस्थित होते.