महेश नवमीनिमित्त माहेश्वरी मित्र परिवारातर्फे गुरुकुलातील विद्यार्थ्यांना खेळ साहित्याचे वाटप परळी वैजनाथ: प्रतिनिधी.... दरवर्षीप्रमाणे या वर्षीही महेश नवमीचा उत्सव अत्यंत उत्साहात आणि श्रद्धेने साजरा करण्यात आला. या महोत्सवाचे औचित्य साधून श्री स्वामी श्रद्धानंद गुरुकुल येथील विद्यार्थ्यांना खेळ साहित्याचे वाटप करण्यात आले. युवकांच्या या कौतुकास्पद कार्याचे सर्वत्र कौतुक होत आहे. हा सेवा उपक्रम यशस्वी करण्यासाठी सिद्धांत मंत्री, केदार सारडा, हर्ष भंडारी, रुपेश बंग, अथर्व कलंत्री, अनिकेत सारडा, श्याम बजाज, यश डीडवाणी, श्रीनिवास जाजू, युवराज जाजू, गोकुल भंसाली, गणेश सोनी, तेजस इनदानी, जय तोष्णीवाल, यश लोढा तसेच समस्त माहेश्वरी मित्र परिवाराचे विशेष सहकार्य लाभले. माहेश्वरी मित्र परिवारातर्फे सर्व सहकाऱ्यांचे मनःपूर्वक आभार मानण्यात आले आहे. समाजसेवा आणि सुसंस्कारांचे हे कार्य आपण सर्वांच्या साथीने असेच पुढे सुरू ठेवूया, असा संकल्प यावेळी करण्यात आला.
लिंक मिळवा
Facebook
X
Pinterest
ईमेल
अन्य अॅप्स
MB NEWS: अभिष्टचिंतन:परळीतील आजातशत्रू व्यक्तिमत्व तथा वृक्षमिञ गोविंद (भैया) चांडक....!
लिंक मिळवा
Facebook
X
Pinterest
ईमेल
अन्य अॅप्स
-
परळीतील आजातशत्रू व्यक्तिमत्व तथा वृक्षमिञ गोविंद (भैया) चांडक....!
आपल्या प्रमाणिक मेहनतीच्या जोरावरती इच्छित यश प्राप्त करता येते मग क्षेत्र कुठलेही असो ते क्षेत्र सामाजिक असेल किंवा उद्योजकीय असेल मनापासून केलेल्या कृतीमुळे किंवा कार्यामुळे कोणत्याही क्षेत्रात प्राविण्य व नावलौकिक मिळवता येतो. निष्ठा, सातत्य, कष्ट करण्याची तयारी व आपल्या कामाप्रती प्रामाणिक हेतू जपत आपणही समाजाप्रती काही देणे लागतो या उदात्त भावनेतून आपल्या व्यवसायाच्या रहाटगाड्यातून वेळ काढत समाजासाठी शक्य होईल तेवढी मदत तथा कार्य करणारे व वृक्ष संगोपनासाठी अविरत कार्य करणारे वृक्षमित्र तथा परळी शहरामध्ये भैय्या या नावाने सर्व सुपरिचित तथा अजातशत्रू व्यक्तिमत्व म्हणजे सामाजिक कार्यकर्ते श्री गोविंद (भैया) चांडक हे होय.
आज आपण जाणून घेणार आहोत परळीच्या मध्यवर्ती बाजारपेठेतील यशस्वी उद्योजक, मयुरी मल्टी सर्विस व झेरॉक्सचे संचालक तथा प्रमाणिक व सर्वसुपरिचित व्यक्तिमत्व असणाऱ्या गोविंद(भैया) बालाप्रसाद चांडक यांच्या विषयी. परळी शहरातील नावाजलेल्या पद्मावती भागात राहणारे गोविंद भैया चांडक हे उच्चशिक्षित असून देखील त्यांनी नोकरीच्या मागे न लागता आपली वेगळी वाट चोखाळत कठोर परिश्रम घेत परळी परिसरात स्वतःच्या व्यापार कौशल्याच्या जोरावर बाजारपेठेमध्ये व्यवसाय विश्वात आपले एक वेगलेच स्थान निर्माण केले आहे. भैय्यांचे शिक्षण पाहायला गेले तर डिप्लोमा इन इंजिनिअरिंग आहे. काही अपवाद वगळता उच्चशिक्षित असणारे लोक हवेतच असतात परंतु गोविंद भैया चांडक हे त्याला अपवाद ठरतात. त्यांच्या ठायी उच्चविद्या विभूषित असल्याचा कुठलाही अविर्भाव जाणवत नाही. गोविंद भैया चांडक यांची अजुन एक दुखरी बाजू म्हणजे ते अपंग आहेत. आपल्या अपंगत्वाचा तथा शारीरिक व्यंगाचा कुठलाही बाऊ न करता किंवा कुठल्याही मदतीच्या कुबड्या न घेता स्वबळावर व स्वहिमतीवर त्यांनी आपले एक वेगळे विश्व तथा मित्र परिवार निर्माण केला आहे.
गोविंद भैया चांडक यांचे सामाजिक क्षेत्रातील योगदान देखील भरीव तसेच इतरांना नोंद घ्यायला लावणारे आहे. त्यांचा येथील सामाजिक कार्यात हिरारीने सहभाग असतो. आपणही समाजाप्रती काही देणे लागतो या उदात्त भावनेतून त्यांचा परळी परिसरातील सामाजिक कार्यात नेहमीच वावर असतो. गेल्या काही काळामध्ये जगाने एका भयंकर वास्तवातून मार्गक्रमण केले तो काळ म्हणजे कोविडचा काळ होय या कोविडच्या काळामध्ये गोविंद भैया चांडक यांनी आपल्या सहकाऱ्यांसमवेत स्वतःचा शक्य होईल तेवढा वेळ देऊन समाजकार्य केले असुन ते सदैव आपले सामाजिक दायित्व निभावण्यासाठी तत्पर असतात. ते स्वतः एक वृक्षमित्र असून इतरांनाही वृक्ष संगोपनासाठी प्रेरित करतात. परळी मध्ये वृक्ष संगोपनासाठी वृक्ष मित्रांची एक टीम सदैव कार्यरत असते. परळी परिसरातील वृक्ष संगोपनासाठी कार्य करणाऱ्या तसेच परळीस ऑक्सिजन हब बनवण्यासाठी सक्रिय असणाऱ्या या गटामध्ये गोविंद भैया चांडक हे अग्रणी दूत म्हणून काम पाहतात असे म्हटले तर अतिशोक्तीचे नक्कीच ठरणार नाही. पर्यावरणाच्या समतोलासाठी वृक्ष जगवण्याच्या दृष्टीने वृक्ष चळवळीच्या माध्यमातून परळीतील या टीमने व या टीमचा भाग असणाऱ्या गोविंद भैय्या चांडक यांनी प्रसंगी स्वखर्चातून वृक्ष जगवण्यासाठी मेहनत घेतली आहे. गोविंद भैया चांडक यांना माणसं जोडण्याचा देखील छंद असल्याकारणाने त्यांचा परळी शहरात तथा परिसरातील सामाजिक, आर्थिक, व्यावसायिक व विविध क्षेत्रांमध्ये मित्रांचा एक मोठा गोतावळा आहे. मित्रांच्या मदतीसाठी देखील ते सदैव तत्पर असतात.
कार्य हीच पूजा या उक्तीप्रमाणे आपल्या कामावर मनापासून निस्सीम प्रेम करणाऱ्या तथा निष्ठा असणाऱ्या, सदैव मित्रांच्या भाऊ गर्दीत वावरणाऱ्या, तालुक्याच्या सामाजिक क्षेत्रामध्ये नेहमीच योगदान देणाऱ्या, वृक्ष चळवळीच्या माध्यमातून पर्यावरण समतोलाचा संदेश देणाऱ्या, प्रामाणिक कष्टाच्या जोरावर परळीच्या उद्योग विश्वात स्वतःच्या मयुरी ब्रँडचा विकास करणाऱ्या, प्रभू वैद्यनाथाचे निस्सिम भक्त असणाऱ्या, कुटुंबवत्सल, अजातशत्रू असणाऱ्या सुस्वभावी, व्यक्तिमत्वचा आज वाढदिवस.
या वाढदिवसाच्या निमित्ताने गोविंद (भैया) चांडक यांच्या सर्व इच्छित मनोकामना पूर्ण होवो व नाथांचे नाथ प्रभू वैद्यनाथ त्यांना आरोग्यदायी आयुष्य प्रदान करो हीच प्रभुवैद्यनाथा चरणी मनोमन प्रार्थना.
परळीत राडा: तुंबळ हाणामारीत एक ठार परळी वैजनाथ, प्रतिनिधी.... तुंबळ हाणामारीत परळीत राडा झाला. यामध्ये एक जण ठार झाल्याची खळबळजनक घटना परळीतील बरकत नगर भागात घडली आहे. कन्या शाळा रोड ते बरकत नगर रस्त्यावर दोन गटात हाणामारी झाली. यात एकाला जीव गमवावा लागला आहे. याबाबत प्राप्त माहितीनुसार एका समारंभात हा राडा झाल्याचे माहिती प्राप्त झाली आहे. पोलीस घटनास्थळी दाखल झाले असून मयत इसम व जखमींना रुग्णालयात उपचारासाठी हलविण्यात आले आहे. अचानक वाद झाला हा वाद मारामारीपर्यंत पोहचला. यामध्ये एकजण ठार झाला आहे.अल्लाउद्दीन शेख रा.नागापूर असे मयत ईसमाचे नाव आहे.दरम्यान घटनास्थळी प्रचंड जमाव जमा झाला.पोलीस घटनास्थळावर पोहचले असुन परिस्थिती नियंत्रणात आहे.अधिक तपास पोलीस करत आहेत. दरम्यान या मारामारी मध्ये मयत झालेले इसम अल्लाउद्दीन शेख हे नागापूर येथील रहिवासी असून नागापूर येथे त्यांची पान टपरी आहे. नागापूर परिसरात ते सर्व परिचित असून या हाणामारीत त्यांना आपला जीव गमवावा लागला...
अंबाजोगाई परळी रस्त्यावर भिषण आपघात:परळीतील तीन युवक गंभीर परळी वैजनाथ, प्रतिनिधी..... अंबाजोगाई परळी रस्त्यावर घाटाच्यावर काही अंतरावर भिषण आपघात घडला असुन परळीतील तीन युवक गंभीर जखमी झाले. त्यांना अंबाजोगाईच्या रुग्णालयात दाखल करण्यासाठी घेऊन जात असताना यातील दोन युवकांची प्राणज्योत मालवल्याची प्राथमिक माहीती पोलीस सूत्रांकडून प्राप्त झाली आहे.एकावर उपचार करण्यात येत आहेत. अंबाजोगाई परळी रस्त्यावर घाटाच्यावर काही अंतरावर आज सायंकाळी 6.45 वा.सुमारास मोटरसायकल व उसाची ट्रॉली यांचा भिषण आपघात घडला. मिळालेल्या प्राथमिक माहीतीनुसार परळीतील तीन युवक मोटरसायकलवरुन परळीकडे येत असताना उसाच्या ट्रॉलीवर धडकुन आपघात घडला. परळी ग्रामीण पोलीस तातडीने घटनास्थळी पोहचुन आपघातग्रस्तांना उपचारासाठी हलवण्यात मदतकार्य केले.या आपघात जखमी झालेल्यांमध्ये व्यंकटेश कांदे राहणार बँक कॉलनी,रोहित भराडीया राहणार पद्मावती गल्ली,शुभम धोकटे राहणार इंडस्ट्रियल एरिया परळी यांचा समावेश असल्याची माहिती पोलीस सूत्रांकडू...
*करुणा शर्माच्या गाडीत आढळले पिस्तुल; परळीत खळबळ* *हजारो महिलांची करुणा शर्मांना अटक करण्याची मागणी; धनंजय मुंडे व कुटुंबाचा घातपात करण्याचा डाव असल्याचा संशय* परळी (दि. 05, प्रतिनिधी) - सामाजिक न्याय मंत्री धनंजय मुंडे यांच्यावर बेछूट आरोप करणाऱ्या कथित करुणा शर्मा परळीत आल्या असता त्यांच्या गाडीत पोलिसांना पिस्तुल आढळून आल्याने एकच खळबळ उडाली आहे. तूर्तास परळी पोलिसांनी त्यांना ताब्यात घेतले असून चौकशी चालू असल्याचे समजते आहे. परळीत येऊन पत्रकार परिषद घेणार, पुरावे देणार हे दावे तूर्तास तरी फोल ठरले असून करुणा शर्माच्या गाडीत बेकायदेशीर पिस्तुल आढळल्याने त्यांच्या धनंजय मुंडे व त्यांच्या कुटुंबीयांचा घातपात करण्याचा डाव असल्याचा संशय व्यक्त केला जात आहे. दरम्यान परळी शहरातील शेकडो महिला रस्त्यावर उतरल्या असून शहर पोलीस ठाण्यासमोर दाखल झाल्या आहेत. या महिलांनी करुणा शर्मा यांनी धनंजय मुंडे यांची बदनामी तर केलीच पण आज थेट धनंजय मुंडे यांना संपवण्यासाठी डाव आखला असल्याचा आरोप करत करुणा शर्मा यांना अटक करण्याची जोरदार मागणी केली आहे. यावर आता परळी पोलीस काय भूमिका घेतात ...
धक्कादायक घटना-परळीतील पवनराजे अर्बन निधीच्या अध्यक्षाची आत्महत्या परळी वैजनाथ , प्रतिनिधी... शहरातील पवनराजे अर्बन निधी या अर्थपेढीचे अध्यक्ष प्रल्हाद सावंत यांनी आत्महत्या केल्याची घटना आज सायंकाळी सात वाजता उघडकीस आली आहे. सध्याच्या परिस्थितीत पतसंस्था, मल्टीस्टेट, पतपेढ्या यांच्या आर्थिक अडचणीच्या घटनांमध्ये वाढ झालेली आहे. बीड जिल्ह्यात काही पतसंस्था बाबत प्रश्न उपस्थित होत आहेत. यातच आता परळी शहरातील मोठी आर्थिक उलाढाल असलेल्या पवन राजे अर्बन निधीचे अध्यक्ष प्रल्हाद सावंत यांनी गळफास घेऊन आत्महत्या केल्याची घटना पुढे आली आहे. प्रेम प्रज्ञा नगर येथील एका अपॉर्टमेंट मध्ये प्रल्हाद सावंत यांनी काही दिवसापूर्वीच घर खरेदी केले होते. या घरात अद्याप ते राहयलाही गेले नव्हते. याच घरात आज दोरीने गळफास घेऊन त्यांनी आत्महत्या केल्याची माहिती समोर आली. या घटनेने खळबळ उडाली आहे. दरम्यान आत्महत्येचे कारण अद्याप स्पष्ट झालेले नाही. पोलिसांनी घटनास्थळी पंचनामा केला असून त्यांच्या खिशात कागदपत्रे सापडले आहेत. यातून आत्महत्येचे कारण पुढ...
केजनंतर पुन्हा एकदा बीड जिल्ह्याला हादरवून टाकणारी अपहरणाची घटना; परळीतील प्रतिष्ठित युवा व्यापाऱ्याचे अपहरण परळी वैजनाथ, पुढारी वृत्तसेवा.. केज तालुक्यातील मस्साजोग येथील सरपंच संतोष देशमुख यांचे अपहरण करून त्यांची हत्या झाल्याचा खळबळजनक प्रकार ताजा असतानाच काल (दि.9) रात्री परळी शहरातील प्रतिष्ठित युवा उद्योजक- व्यापाऱ्याचे अपहरण करण्यात आल्याच्या घटनेने एकच खळबळ उडाली आहे. या अपहरण प्रकरणी आता गुन्हा दाखल करण्याची प्रक्रिया परळी शहर पोलीस ठाण्यात सुरू आहे. या खळबळजनक घटनेबाबत प्राथमिक माहिती अशी की, परळी शहरातील भाजपाचे ज्येष्ठ नेते विकासराव डुबे यांचे चिरंजीव अमोल डुबे यांचे औद्योगिक वसाहत येथे उद्योग व व्यापारीपेढी आहे. नेहमीप्रमाणे ते काल रात्री आपल्या ऑफिसमधून बाहेर मोटरसायकलवर बसत असताना अज्ञात पाच ते सहा लोकांनी येऊन त्यांना बळजबरी उचलून गाडीत टाकले व अंबाजोगाईच्या दिशेने घेऊन गेले. दरम्यान त्यांच्याकडे मोठ्या रकमेची मागणी करत ती रक्कम सुपूर्द करा, मग तुम्हाला सोडून देतो असे त्यांना सांगण्यात आले. घाबरून जाऊन ...
टिप्पण्या
टिप्पणी पोस्ट करा