आरोग्य शिबीरास भेट देवून परत येणार्या कारला अपघात: दोन तरूण डॉक्टरांचा मृत्यू
आरोग्य शिबीरास भेट देवून परत येणार्या कारला अपघात: दोन तरूण डॉक्टरांचा मृत्यू
अंबाजोगाई (प्रतिनिधी)-
आडस येथील आरोग्य शिबीरास भेट देवून परत येताना धरधाव वेगातील गाडीला शुक्रवार, दि. 9 जून रोजी दुपारी 12 वाजता अपघात झाला. या अपघातात दोन फिजिओथेरेफिस्ट करणार्या तरूण डॉक्टरांचा मृत्यू झाला. या मृत्यूमुळे सर्वत्र हळहळ व्यक्त केली जात आहे.
अंबाजोगाई येथील फिजिओथेरेफिस्ट डॉ.प्रमोद बुरांडे व त्यांच्या सोबत असलेले डॉ.रवी संतोष सातपुते हे आडस येथे ओमकार आकुसकर यांच्या वाढदिवसानिमित्त आडस गावामध्ये आरोग्य शिबीराचे आयोजन करण्यात आले होते. या शिबीराला भेट देण्यासाठी हे दोघेही डॉक्टर तेथे गेेले होते. शिबीराला भेट देवून परत अंबाजोगाईकडे येत असताना चनईकडे जाणार्या उताराला गाडीचा भरधाव वेग असल्यामुळे समोरून येणार्या वाहनाला चुकविताना गाडीने हेलकावा घेतला आणि रस्त्यालगत असलेल्या झाडावर धडकली. या अपघातात डॉ.प्रमोद बुरांडे यांचा जागीच मृत्यू झाला तर डॉ.रवि सातपुते यांच्यावर स्वारातीत उपचार सुरू असताना मृत्यू झाला. अंबाजोगाई शहरात नामांकित फिजिओथेरिफिस्ट म्हणून डॉ.बुरांडे यांची ओळख होती. मराठवाड्यासह राज्य-परराज्यातून त्यांच्याकडे उपचारासाठी रूग्ण येत होते. अपघाताची माहिती मिळताच ज्येष्ठ नेते नंदकिशोर मुंदडा यांनी तात्काळ मदतीसाठी घटनास्थळावर धाव घेवून जखमींना स्वाराती रूग्णालयात पाठविले जखमी स्वारातीत येईपर्यंत प्रशासनाने सर्व डॉक्टरांची टिम अपघात विभागात सज्ज केली होती. अंबाजोगाई शहरातील निष्णात डॉक्टरांमध्ये त्यांची गणणा होत होती. त्यांच्या उपचारा पासुन अनेक रूग्णांना मुकावे लागणार आहे. या अपघातातील दोन तरूण डॉक्टरांचा मृत्यू झाल्यामुळे अंबाजोगाई शहरावर शोककळा पसरली आहे.
टिप्पण्या
टिप्पणी पोस्ट करा