संवेदनशील व अभिनव संकल्पना :कौतुकास्पद
मायेच्या धाग्याने रुग्ण भारावले: रुग्णालयातील रुग्णांना धोंडे जेवण व केला पूर्ण आहेर
परळीच्या सौ.कीर्ती किरण धोंड यांचा संभाजीनगर येथे उपक्रम
परळी वैजनाथ, प्रतिनिधी.....
कुटुंब आणि नातेवाईकांसोबत आपण नेहमीच सण उत्सव असे आनंदाचे प्रसंग साजरे करत असतो. सध्या अधिकमास सुरू आहे. या निमित्ताने ठिकठिकाणी धोंडे जेवणाची लगबग सुरू आहे. लेक- जावयांना व पै पाहुण्यांना धोंडे जेवण देणे सध्या सुरू आहे. परंतु या सर्व गोष्टीला फाटा देत परळीच्या सौ. कीर्ती किरण धोंड यांनी आगळावेगळा उपक्रम राबविला असून संभाजीनगर (औरंगाबाद) येथील शासकीय कर्करोग रुग्णालयातील रुग्णांसोबत धोंडे जेवण व रुग्णांना पूर्ण आहार करत त्यांनी अधिक मास साजरा केला आहे. त्यांच्या या मायेच्या धाग्याने रुग्णालयातील रुग्ण भारावून गेले.
शासकी कर्करोग रुग्णालय औरंगाबाद येथे रुग्णालयात दाखल असलेल्या रुग्णांवर उपचार सुरू आहेत. या उपचार घेणाऱ्या रुग्णांना अधिक महिन्यातील आनंदापासून वंचित राहायला लागू नये यासाठी म्हणून परळीच्या सौ कीर्ती किरण धोंड यांनी येथील वैद्यकीय अधिष्ठाता यांची परवानगी घेत रुग्णालयात दाखल असलेल्या सर्व रुग्णांना धोंडे जेवण आयोजित केले. एवढेच नाही तर धोंडे जेवणानंतर आपण ज्याप्रमाणे आपल्या नातेवाईकांना आहेर करतो. त्याप्रमाणे संपूर्ण रुग्णांना पूर्ण आहेरही त्यांनी भेट दिला. अशा आगळ्यावेगळ्या या प्रसंगाने रुग्णालयातील रुग्ण भारवून गेले. यावेळी कॅन्सर हॉस्पिटल चे अधिष्ठाता डॉ. गायकवाड व सर्व स्टाफ उपस्थित होता.
•••
टिप्पण्या
टिप्पणी पोस्ट करा