टँम्पो चालकास लुटले; चालकावर तलवारीने केले वार

 टँम्पो चालकास लुटले; चालकावर तलवारीने केले वार

अंबाजोगाई (प्रतिनिधी)- अहमदपुरकडून येणार्‍या आयशर टॅम्पो चालक धायगुडा पिंपळा ते परळी रोडवरील दुरदर्शन केंद्राजवळ टेम्पो थांबवून लघुशंकेसाठी थांबले असता शाईन गाडीवर आलेल्या तिघा जणांनी या चालकास तलवारीने वार करून जवळील एक हजार रूपये घेवून पोबारा केला. जखमी चालकाने धायगुडा पिंपळा येथील सय्यद आफरोज याला माहिती दिल्यानंतर त्याने मित्रासमावेत त्या तीन चोरट्याची दुचाकी आडवली. परंतु या तील दोघे जण पळून जाण्यात यशस्वी ठरले. ही घटना शुक्रवारी सायंकाळी 7.30 वाजता घडली. एक जणाला ग्रामिण पोलिसाच्या हवाली केले असून या तिघांविरूद्ध गुन्हा दाखल झाला आहे.

अहमदपुरकडून एम.एच.44.यु.0992 हा आयशर टेम्पोवर चालक म्हणून वरवटी येथील जनार्धन उत्तम उघडे हे चालक होते. टेम्पोमध्ये लिक्वीड भरल्यामुळे गावी जात होते. पिंपळा धायगुडा येथून परळीकडे जाणार्‍या रस्त्यावरील दुरदर्शन केंद्रा नजीक उघडे हे टेम्पो रोडलगत उभे करून लघुशंकेसाठी खाली उतरले. त्यानंतर शाईन दुचाकी गाडीवर आलेल्या तिघाजणांनी चाकु व तलवारीने वार करण्यास सुरूवात केले. संबंधीत चालकाने मारहाण करू नका विनवणी केली. तरी त्यातील एक जणाने खिशातील एक हजार रूपये व मोबाईल हिसकावून घेत चाकूने पायावर वार केले. आणि तिघेजण विनानंबरच्या शाईन गाडीवर धायगुडा पिपंळा दिशेने निघुन केले. चालक उघडेच्या मित्रामुळे यातील एक जण सापडला असला तरी अन्य दोघे जण पळून गेले आहेत. ग्रामिण पोलिसांनी या आरोपीसह त्याच्याकडील दुचाकी एक चाकु मोबाईल व एक हजार रूपये जप्त केले आहेत. त्याच्या विरोधात ग्रामिण पोलिसात गुन्हा दाखल झाला असून पुढील सहाय्यक पोलिस निरिक्षक राजेंद्र घुगे हे करीत आहेत.