थेट बससेवा सुरू करण्याची ना.धनंजय मुंडे यांच्याकडे भाविक-भक्तांची मागणी

 श्री.वैद्यनाथ ज्योतीर्लिंग परळी ते श्रीसंत मन्मथ स्वामी मंदीर, कपीलधार थेट बससेवा सुरू करण्याची ना.धनंजय मुंडे यांच्याकडे भाविक-भक्तांची मागणी

परळी वैजनाथ /प्रतिनिधी 

     प्रभू वैद्यनाथ ज्योतीर्लिंग परळी-वैजनाथ ते श्रीसंत मन्मथ स्वामी मंदीर,कपीलधार(मांजरसुंभा)नियमित बससेवा सुरू करण्याची मागणी श्री.वैजनाथ मंदीर देवस्थानचे विश्वस्त विजयकुमार मेनकुदळे व राष्ट्रसंत डॉ.शिवलिंग शिवाचार्य महाराज तपोनुष्ठान समितीचे अध्यक्ष तथा नगरसेवक चेतन सौंदळे यांच्यासह भाविक-भक्तांच्यावतीने महाराष्ट्र राज्याचे नवनिर्वाचित कृषीमंत्री ना.धनंजय मुंडे यांच्याकडे लेखी निवेदनाद्वारे करण्यात आली आहे.

  श्रावण तसेच अधिक मासानिमित्त मोठया प्रमाणात लिंगायत समाजासह सर्व जाती-धर्माचे व ईतर राज्यातूनही भाविक-भक्त प्रभू वैद्यनाथ ज्योतीर्लिंग परळी येथील दर्शन घेऊन श्रीसंत मन्मथ स्वामी यांच्या संजीवन समाधीचे दर्शन करण्याकरिता कपीलधार(मांजरसुंभा) येथे जात असतात तसेच याठिकाणीतील निसर्गरम्य पर्वत टेकडयांमधून वाहणारा नैसर्गिक धबधबाही पर्यटकांसाठी आकर्षित करणारा आहे परंतू याठिकाणी जाण्यासाठी परळी येथून थेट बससेवा नसल्यामुळे भाविकांची व पर्यटकांची मोठया प्रमाणात गैरसोय होते त्यामुळे भाविक-भक्त,पर्यटक व प्रवाशांच्या सोयीकरिता त्वरीत बससेवा करण्याची मागणी विजयकुमार मेनकुदळे,चेतन सौंदळे,सोमनाथ निलंगे,रमेशअप्पा सपाटे,चंदूअप्पा हालगे,चंद्रकांत उदगीरकर,संतोष पंचाक्षरी,अशोक नावंदे,दयानंद चौधरी,प्रकाश खोत,जगदीश मिटकर,गिरीष बेंबळगे,मकरंद नरवणे,सोमनाथ गोपनपाळे,रमाकांत बुरांडे,संतोष जुजगर,कैलास रिकीबे,शिरीष सलगरे,अनिल चौधरी,मन्मथ नरवणे,संतोष चौधरी,निरंजन गौरशेटे,रत्नेश बेलुरे,संदीप चौधरी व भाविक -भक्तांच्यावतीने करण्यात आली आहे.