स्वातंत्र्याच्या विचाराचा पाया लोकमान्य टिळकांनी रचला-प्रा.डॉ विनोद जगतकर
विद्यार्थ्यांनी महापुरुषांचे विचार आत्मसात करण्याची गरज प्राचार्या डॉ विद्याताई देशपांडे
परळी वैजनाथ दि.०१ (प्रतिनिधी)
टिळक हिंदूवादी होते, पण त्यांनी इतर कोणत्याही धर्माचा द्वेष केला नाही. प्रचंड स्मरणशक्ती असलेले काँग्रेसचे नेते व स्वातंत्र्याच्या विचाराचा पाया लोकमान्य टिळकांनी रचला असे प्रतिपादन प्रा.डॉ विनोद जगतकर यांनी केले तर विद्यार्थ्यांनी महापुरुषांचे विचार आत्मसात करण्याची गरज असल्याचे प्रतिपादन अध्यक्षीय भाषणात प्राचार्या डॉ विद्याताई देशपांडे यांनी केले.
येथील लक्ष्मीबाई देशमुख महिला महाविद्यालयात राष्ट्रीय सेवा योजना विभागाच्या वतीने मंगळवारी (ता ०१) आयोजित लोकशाहीर आण्णाभाऊ साठे जयंती व लोकमान्य टिळक पुण्यतिथी निमित्त आयोजित कार्यक्रमात बोलत होते. कार्यक्रमाच्या सुरुवातीला साहित्यरत्न आण्णाभाऊ साठे व लोकमान्य टिळक यांच्या प्रतिमेचे पूजन प्राचार्या डॉ विद्याताई देशपांडे, राष्ट्रीय सेवा योजना कार्यक्रमाधिकारी प्रा डॉ विनोद जगतकर, क्रिडा विभाग प्रमुख प्रा. डॉ प्रविण दिग्रसकर यांच्या हस्ते पुष्पहार अर्पण करून करण्यात आले. यावेळी पुढे बोलताना प्रा डॉ जगतकर म्हणाले की, लोकमान्य टिळक बालपणापासून निडर,धाडसी होते. देशाला स्वातंत्र्य अगोदर मिळाले पाहिजे असा त्यांचा जहाल विचार होता. तर ज्या साहित्यरत्न आण्णाभाऊंनी वाटेगाव ते मुंबई पायी प्रवास केला तेच आण्णाभाऊ नंतर विमानाने मास्को पोहचले.ते आपल्या साहित्याच्या जोरावर, आण्णाभाऊंनी पंतप्रधान नेहरुंची भेट टाळली होती. असे विद्यार्थ्यांना मार्गदर्शन करताना सांगितले. प्राचार्या डॉ देशपांडे यांनी अध्यक्षीय समारोप करताना सांगितले की, आजच्या काळातही महामानवाच्या विचारांचा जागर होणे आवश्यक असल्याचे सांगितले. यावेळी प्रा डॉ प्रविण दिग्रसकर सह विद्यार्थी वैष्णवी बोबडे, तनुराणी गित्ते, आकांक्षा मुरकुटे, अश्विनी कराड,मुस्कान शेख यांनी मनोगते व्यक्त केले. कार्यक्रमाचे प्रास्ताविक प्रा प्रविण फुटके, सूत्रसंचालन समृद्धी फड,प्रतिक्षा हाके यांनी तर आभार योगिनी गित्ते हीने मानले. कार्यक्रमास प्रा.प्रविण नव्हाडे, प्रा.विना पारेकरसह विद्यार्थी, प्राध्यापक, शिक्षक, शिक्षकेत्तर कर्मचारी मोठ्या संख्येने उपस्थित होते.
टिप्पण्या
टिप्पणी पोस्ट करा