दि. १२ मे ते २१ मे २०२६ दरम्यान होणार संपन्न

खळबळजनक: परळी-अंबाजोगाई रस्त्यावरील हॉटेलवर अज्ञात इसमांनी केला गोळीबार

परळी वैजनाथ,प्रतिनिधी.....

      परळी-अंबाजोगाई रस्त्यावरील एका हॉटेलवर वाद घालत व मॅनेजरला मारहाण करून अज्ञात इसमांनी गोळीबार केल्याच्या घटनेने खळबळ उडाली आहे.याप्रकरणी परळी ग्रामीण पोलिस ठाण्यात गुन्हा दाखल करण्यात आला आहे.

      पोलीस सूत्रांकडून प्राप्त अधिक माहितीनुसार,  परळी ते अंबाजोगाई रोडवर कन्हेरवाडी शिवारात हॉटेल यशराज येथे दि. 09/08/2023 रोजी रात्री 10.15 वाजण्याच्या सुमारास अज्ञात चार आरोपी यांनी फिर्यादी हाॅटेल चालक विलास भिमराव आघाव व हॉटेलवरिल मॅनेजर नरेश निसाद यास सिगारेटचे पाकीट मागीतले. मॅनेजर नरेश निसाद याने सिगारेट पाकिटाचे 150 रु मागीतले असता यातील आरोपींनी संगणमत करुन  मँनेजर नरेश निसाद याच्या कॉलरला धरुन चापटा चबुक्याने मारहाण केली. शिवीगाळ करुन ग्लास, बतई फेकुन मारून आरोपींनी मॅनेजर नरेश निसाद याला जिवे मारण्याच्या उद्देशाने त्यांचेकडिल पिस्तुलने फायरींग करुन तिन गोळ्या झाडल्या. याप्रकरणी हाॅटेल चालक विलास भिमराव आघाव यांच्या फिर्यादीवरुन आरोपींविरुद्ध परळी ग्रामीण पोलीस ठाण्यात गु.र.नं.- 241/2023 कलम 307,323,504, 506.34, मादवी सह कलम 3/25, 27 भारतीय शस्त्र अधिनियम प्रमाणे गुन्हा दाखल करण्यात आला आहे.अधिक तपास सपोनि गित्ते हे करत आहेत.