राष्ट्रीय क्रिडा दिना निमित्त परळीतील बहीण -भावाचा सत्कार
राष्ट्रीय क्रिडा दिना निमित्त धनराज पिल्ले यांच्या हस्ते कु.सानवी व चि.सूर्या सौंदळे या बहीण -भावाचा सत्कार
पद्मश्री व राजीव गांधी खेल रत्न तसेच अर्जून पुरस्कार प्राप्त भारतीय हॉकी टीमचे माजी कर्णधार श्री.धनराज पिल्ले यांच्या हस्ते थायलंड (पट्टाया) येथील एशियन जिम्नॅस्टिक्स चॅम्पियन स्पर्धेतील सहभाग तसेच 16व्या व 17व्या राष्ट्रीय जिम्नॅस्टीक्स स्पर्धा बेंगलुरू येथे सब ज्युनिअर गटातून अनुक्रमे गोल्ड मेडल व सिल्वहर मेडल प्राप्त केल्याबद्दल कु.सानवी सचिन सौंदळे तसेच 17 व्या बेंगलुरू येथील राष्ट्रीय जिम्नॅस्टीक्स स्पर्धेत नॅशनल डेव्हलपमेंट ग्रुप मधून गोल्ड मेडल मिळविल्याबद्दल चि.सूर्या सचिन सौंदळे या सख्या बहीण भावंडाचा छत्रपती संभाजी नगर (औरंगाबाद)येथे सत्कार व सन्मान करण्यात आला.
चि.सूर्या व कु.सानवी यांनी जिम्नॅस्टीक खेळात मिळविलेल्या यशाबद्दल भारतीय हॉकी संघाचे माजी कर्णधार श्री.धनराज पिल्ले यांनी अभिनंदन व कौतूक करून क्रिडा क्षेत्रातील दैदीत्यमान यशासाठी शुभेच्छा दिल्या आहेत.
चि.सूर्या व कु.सानवी परळीच्या सुपुत्र व सुकन्या असून राष्ट्रसंत डॉ.शिवलिंग शिवाचार्य महाराज तपोनुष्ठान समितीचे अध्यक्ष तथा नगरसेवक चेतन सौंदळे यांचे पुतणे व पुतणी आहेत.
टिप्पण्या
टिप्पणी पोस्ट करा