स्व. अशोक सामत यांची जयंती:अनेकांनी दिला आठवणींना उजाळा
परळी वैजनाथ,प्रतिनिधी.....
माजी नगराध्यक्ष, भाजपा जेष्ठ नेते स्व. अशोक सामत यांच्या 75 व्या जयंतीनिमित्ताने गणेशपार येथे अभिवादन कार्यक्रम घेण्यात आला. या कार्यक्रमात विविध मान्यवरांकडून त्यांच्या आठवणींना उजाळा देण्यात आला.
स्व अशोक सामत म्हणजे, शहरातील सर्व घटकांना एकत्रित करून, समाजकारण, राजकारण करणारे व्यक्तीमत्व होते, त्यांनी नेहमीच पक्षविरहित मानवतावादी दृष्टिकोन ठेवून राजकारण केले,त्यामुळे आज देखील त्यांचे नाव अतिशय आदरानं घेतलं जातं, असे गौरवोद्घार श्री वैद्यनाथ देवस्थानचे विश्वस्त राजेश देशमुख यांनी केले. जेष्ठ नेते दतप्पा इटके गुरुजी यांनी स्व अशोक सामत यांच्या सोबतच्या कारकिर्दीवर संक्षिप्त दृष्टिकोनातून आठवणीला उजाळा दिला. भाजपा अल्पसंख्याक आघाडीचे नेते अब्दुल करीम यांनी आपल्याला स्व. सामत यांनी नगराध्यक्ष पदाची संधी दिल्याची आठवण सांगितली. भाजपा दलित आघाडीचे शहराध्यक्ष रमेश गायकवाड यांनी स्व. अशोकसेठ सामत यांच्याकडून विविध अडचणीत मोलाची मदत झाल्याचे सांगितले.
शहरातील गणेशपार भागातील श्री सावळाराम मंदिरात स्व अशोक सामत यांच्या जयंतीनिमित्त अभिवादन कार्यक्रम आयोजित करण्यात आला होता, याप्रसंगी शंकरअप्पा मोगरकर, वैद्यनाथ बँकेचे चेअरमन विनोद सामत, माजी नगराध्यक्ष वैजनाथ जगतकर, जाबेर खान, नरेश हालगे, प्रकाश जोशी, अनिल तांदळे, नारायणराव सातपुते, दासू वाघमारे, महेश्वर निर्मळे, राजेंद्र ओझा, वासुदेव पाठक, महादेव ईटके, वैजनाथ बागवाले, वैजनाथ माने, वैजनाथ कळसकर, बालासाहेब कराळे, रोहिदास बनसोडे, गणपत सौंदळे, नितीन समशेट्टी, मोहन जोशी, डॉ यशवंत देशमुख, अतुल तांदळे, विकास हालगे, सुशील हरंगुळे, चंद्रकांत उदगिरकर, खदीर भाई, फरीद नवाब, भगवान हालगे, नरेश पिंपळे, गजानन चौंडे, कृष्णा सातपुते सोनपेठकर, पवन तोडकरी, प्रकाश गित्ते, अमर वाघमारे यांच्यासह ईतर सर्व क्षेत्रातील मान्यवरांच्या उपस्थितीत कार्यक्रम संपन्न झाला, कार्यक्रमाचे प्रस्ताविक अश्विन मोगरकर तर सूत्रसंचालन सचिन स्वामी यांनी तर आभार प्रदर्शन विजय जोशी, मुकेश पाटील यांनी केले.
टिप्पण्या
टिप्पणी पोस्ट करा