परळीचे आवघड महसुलायन

परळीचे आवघड महसुलायन: दोन महिन्यांत चार तहसीलदार; परळीत सातबारा दुरुस्ती रखडली : पुरवठ्याची डाटा एण्ट्री बंद

परळी वैजनाथ, प्रतिनिधी

तहसीलदार सुरेश शेजुळ यांची गेल्या दोन महिन्यांपुर्वी बदली झाल्यानंतर दोन महिन्यात चार तहसीलदार आले. यामुळे शेतकऱ्यांचा खरीप हंगाम सुरु असल्याने सातबारा दुरुस्तीसाठी लागणारी डिजिटल स्वाक्षरी नसल्याने तालुक्यातील 3 हजार शेतकऱ्यांच्या सातबारा दुरुस्तीचे रखडल्याने काम शेतकऱ्यांचे कर्ज प्रकरणे रखडली आहेत.

परळीचे तहसीलदार सुरेश शेजुळ यांची दोन महिन्यापूर्वी अकलूज येथे बदली झाल्यानंतर आतापर्यंत चार तहसीलदार झाले आहेत. या पैकी कोणीच डिजिटल स्वाक्षरी बनवली नसल्याने सातबारा दुरुस्तीचे काम आहे. सुरेश शेजुळ गेल्यानंतर आईलनवाड यांनी काही दिवस कारभार पहिला व ते सेवानिवृत्त झाले.त्यांच्या नंतर १० दिवस नायब तहसीलदार अविनाश निळेकर यांनी कार्यभार घेतला व ते ही बदलीवर माजलगावला गेले.

त्यानंतर संदीप पाटील यांनी पदभार घेतला ते २५ दिवस राहिले त्या नंतर परत ते ही पोलिस प्रशासनात रुजू होण्यासाठी नाशिकला गेले.त्या नंतर तहसीलदार पेंदेवाड यांनी १५ ऑगस्ट पासुन पदभार घेतला आहे. परंतु वरील पैकी कोणीच एक महिना सुध्दा कायम राहिले नसल्याने डिजिटल स्वाक्षरी बनवली नाही. त्या मुळे परळी तालुक्यातील जवळपास तीन हजार सातबारा दुरुस्तीचे काम रखडलेले आहे.

पुरवठ्याची डाटा एण्ट्री बंद
     परळी वैजनाथ येथील पुरवठा विभागातील डेटा एन्ट्री सन २०१४ पासून बंद असल्याची प्राथमिक माहिती आहे. सोबतच एपीएल,पीएचएच, एएवाय याबाबतीत अडचणी आहेत. परळी वैजनाथ येथील पुरवठा विभागाबाबत संबंधित यंत्रणेला माहिती विचारल्यावर अडीच महिन्यात कोणीच कोणती माहिती देऊ शकत नाही.