गौरी गणपती सणाचा आनंदाचा शिधा

 परळी तालुक्यातील सुमारे पन्नास हजार कार्डधारकांना मिळणार गौरी गणपती सणाचा आनंदाचा शिधा

परळी वैजनाथ, प्रतिनिधी...
       गौरी गणपती सणाच्या निमित्ताने शासनाच्या वतीने वाटप करण्यात येणाऱ्या आनंदाचा शिधा चे किट उपलब्ध झाले असून परळी वैजनाथ तालुक्यातील जवळपास 50 हजार कार्डधारकांना हा आनंदाचा शिधा मिळणार आहे. संबंधित सर्व रेशन दुकानदार यांच्याकडे पुरवठा विभागाने हे किट उपलब्ध केले असून नागरिकांनी याचा लाभ घ्यावा असे आवाहन तहसीलदार परळी वैजनाथ यांनी केले आहे.
            शासनाने दिनांक 24/08/2023 चे परिपत्रकान्वये राज्यातील सार्वजनिक वितरण व्यवस्थेअंतर्गत पात्र शिधापत्रिकाधारकांना आगामी गौरी गणपती  सणानिमित्त प्रत्येकी 01 किलो या परिमाणात रवा, चणादाळ, साखर व 01 लिटर पामतेल हे शिधाजिन्नस समाविष्ट असलेला आनंदाचा शिधा रु.100/- प्रतिसंच वितरीत करण्यात येणार असल्याचे कळविले आहे. त्याअनुषंगाने  जिल्हा पुरवठा अधिकारी बीड यांनी दिनांक 25/08/2023 चे पत्रान्वये परळी-वै तालूक्यातील प्राधान्य, अंत्योदय व शेतकरी कार्डधारकांची संख्या विचारात घेवून शासकीय धान्य गोदाम, परळी-वै.एकूण कार्ड 37075 उपलब्ध संच 35223, शासकीय धान्य गोदाम, सिरसाळा एकूण कार्ड 14820 उपलब्ध संच 14081 असे एकूण कार्ड 51895 उपलब्ध संच 49304 आनंदाचा शिधा मंजूर केलेला आहे. शासनाने गौरी गणपती सणानिमित्त मंजूर केलेली वरील प्रमाणे कार्डधारकांसाठी असलेली कीट परळी वै. तालुक्यातील संबंधित रास्त भाव दुकानदाराकडून ई-पॉज मशीनवर आंगठा लावून यावी असे आवाहन तहसिलदार परळी-वै यांच्या वतीने करण्यात आले आहे.