कार्याचा गौरव.........

 रक्तदान शिबीरांचे सातत्यपूर्ण आयोजन: बाजीराव भैय्या धर्माधिकारी मित्रमंडळाचा डाॅ.भालचंद्र रक्तपेढी लातूर च्या वतीने गौरव

परळी वैजनाथ, प्रतिनिधी....

           रक्तदान शिबीरांचे सातत्यपूर्ण आयोजन केल्याबद्दल व या उदात्त कार्याचे ऋणनिर्देश व्यक्त करत बाजीराव भैय्या धर्माधिकारी मित्रमंडळाचा डाॅ.भालचंद्र रक्तपेढी लातूर च्या वतीने नुकताच गौरव करण्यात आला आहे.

             डाॅ.भालचंद्र रक्तपेढी,लातूर द्वारा "रक्तदान शिबीर आयोजक" यांचा कृतज्ञता सोहळा  लातूर येथे आयोजित करण्यात आला होता.यावेळी बाजीराव भैय्या धर्माधिकारी मित्रमंडळाच्या वतीने ॲड.प्रताप धर्माधिकारी यांनी सर्व सहकाऱ्यांच्या वतीने सत्कार स्वीकारला.गेल्या १५ वर्षांपासून बाजीराव भैय्या धर्माधिकारी मित्रमंडळाच्या वतीने परळीत  बाजीराव भैय्या धर्माधिकारी यांच्या वाढदिवसानिमित्त अविरत रक्तदान शिबिर आयोजित केले जाते.या शिबिरात दरवर्षीच विक्रमी संख्येत  रक्तदान होते. अनेक रुग्णांना यामाध्यमातून जीवनदान प्राप्त झालेले आहे. या आयोजनाबद्दल हा गौरव करण्यात आला.

              या कार्यक्रमास पद्मभूषण डाॅ.अशोक कुकडे काका (संस्थापक विवेकानंद रूग्णालय लातुर) श्री.सोमय मुंडे (पोलिस अधिक्षक, लातुर) डॉ.श्री.प्रदिप ढेले (जिल्हा शल्यचिकित्सक, लातुर) मा.श्री.डाॅ.हरिप्रसाद सोमाणी (मा.प्रांतपाल, रोटरी क्लब लातुर) व सर्व आजी माजी संचालक मंडळ डाॅ.भालचंद्र रक्तपेढी, लातुर आदी मान्यवर उपस्थित होते.