जिल्हा प्रशासनाच्यावतीने सुचना

 संभाव्य कोरोना साथीमध्ये जनतेने काळजी घ्यावी 

बीड,दि.28 (जिमाका) : जगामध्ये JN.1 या कोरोना विषाणु मुळे जगामध्ये फ्रान्स, अमेरिका, सिंगापुर, कॅनडा, युनायटेड किंगडम, स्विडन, या देशांमध्ये या विषाणुची लागण मोठया प्रमाणात होत असल्याची दिसुन येत आहे. तसेच भारतामध्ये केरळ या राज्यामध्ये कोरोना रुग्ण मोठ्या प्रमाणात वाढत असल्याचे दिसुन येत आहे.

तरी बीड जिल्हयामध्ये कोरोना तसेच कोरोनाचा JN.1 प्रकारच्या विषाणुचा प्रसार होऊ नये म्हणुन जनतेने खालील प्रमाणे काळजी घ्यावी. जेणे करून बीड जिल्ह्यात या आजाराचा प्रसार आपणास रोखता येईल.

            गर्दीच्या ठिकाणी जात असताना सर्वांनी मास्कचा वापर करावा. प्रवाशांनी प्रवासामध्ये मास्कचा वापर करावा. घरी आल्यानंतर सर्वांनी सावणाने स्वच्छ हात धुवावेत. सार्वजनिक ठिकाणी गेल्यावर हात कोणत्याही पृष्ठभागास लावु नयेत. त्याचबरोबर शक्यतोवर हस्तांदोलन करणे टाळावे.  शक्यतो, गर्दीच्या ठिकाणी जाणे टाळावे परंतु जाणे आवश्यक असल्यांस सार्वजनिक ठिकाणी मास्क घालून जावे आणि खोकताना किंवा शिंकताना नाका-तोंडावर रुमाल किंवा मास्क असणे आवश्यक आहे.

सार्वजनिक ठिकाणी गेल्यावर उघडयावर धुंकु नये. हातांच्या स्वच्छतेकरिता वारंवार हात स्वच्छ पाण्याने धुवावेत व सॅनिटायझरचा वापर करावा. सर्दी, ताप, खोकला इत्यादी लक्षणे असल्यास तात्काळ डॉक्टरांना दाखवुन उपचार सुरु करावेत.  सर्दी, ताप, खोकला इत्यादी लक्षणे असल्यास उपचार घेणे टाळण्यात येवु नये. लग्न समारंभ इत्यादी ठिकाणी लोकांनी मास्क घालुन जावे, त्याठिकाणी सामाजिक अंतर ठेवावे. तसेच सॅनिटायझर चा वापर त्याठिकाणी असावा. मधुमेह, हृदयरोग, कर्करोग, किडनीचा आजार, श्वसनसंस्थेचे आजार असलेले रुग्ण यांनी वैद्यकीय सल्ला घेवुन आपले आरोग्य चांगले राहील याची काळजी घ्यावी, त्याचबरोबर वृध्द व्यक्ती, गरोदर माता, एक वर्षाच्या आतील बालके इत्यादींनी सार्वजनिक ठिकाणी तसेच गर्दीच्या ठिकाणी जाणे टाळावे.

अशा सुचना जिल्हा प्रशासनाच्यावतीने करण्यात आल्या आहेत. त्याचे पालन नागरीकांनी केल्यास कोरोनाचा प्रार्दुभाव थांबिण्यात येईल.

● युट्यूबवर आवश्य पहा :