नऊ दिवस होणार भक्तीचा जागर

 श्री. योगेश्वरी देवीच्या महोत्सावास वर्णी महापुजेने प्रारंभ 

 

  अंबाजोगाई :-  महाराष्ट्रातील भाविकांचे श्रद्धास्थान व अंबाजोगाईचे ग्रामदैवत असलेल्या श्री योगेश्वरी देवीचा मार्गशीर्ष नवरात्र महोत्सव १९ डिसेंबर ते २६  डिसेंबर या कालावधीत होत आहे. मंगळवारी सकाळी वर्णी महापूजेने मार्गशीर्ष महोत्सवास प्रारंभ झाला. देवल कमेटीचे अध्यक्ष तहसीलदार विलास तरंगे  व सौ. मयुरी तरंगे यांनी योगेश्वरी देवीची विधीवत महापूजा केली. या वर्णी महापूजेने या महोत्सवाची सुरूवात झाली. 

           मार्गशीर्ष नवरात्र महोत्सवाच्या कालावधीत मंदीर परिसरात सलग नऊ दिवस आराध बसण्याची परंपरा गेल्या अनेक शतकांपासून सुरू आहे. या वर्षी मंदिरात जवळपास ४ हजार महिला बसल्या असल्याची देवल कमिटीच्या वतीने देणयात  आली. मंगळवारी  सकाळी झालेल्या महापूजेनंतर महिलांची मंदिरात आराध बसण्यासाठी गर्दी वाढू लागली होती. शहर वासियांनी योगेश्वरी देवीच्या दर्शनासाठी मोठ्या रांगा केल्या होत्या. या  वेळी झालेल्या महापूजेला  तहसीलदार विलास तरंगे  व सौ. मयुरी तरंगे  यांनी विधिवत योगेश्वरी देवीची महापूजा व महाआरती केली. यावेळी  देवल कमिटीचे सचिव अँड. शरद लोमटे, विश्वस्त भगवानराव शिंदे, गिरिधरीलाल भराडिया, राजकिशोर मोदी,अक्षय मुंदडा, पृथ्वीराज साठे,उल्हास पांडे, प्रा.अशोक लोमटे,श्रीराम देशपांडे,संजय भोसले, पूजा कुलकर्णी, संध्या जाधव,गौरी जोशी,मुख्य पुजारी सारंग पुजारी, योगेश्वरी देवीचे विश्वस्त यांच्यासह देवीचे मानकरी भक्त उपस्थित होते. पौरोहितांच्या विधीवत महापूजेनंतर महोत्सवास प्रारंभ झाला. महोत्सवाच्या कालावधीत सलग नऊ दिवस विविध धार्मिक व प्रबोधनात्मक कार्यक्रमाचे आयोजन देवल कमिटीच्या वतीने करण्यात आले आहे. तसेच आराध बसलेल्या सर्व महिलांच्या निवासाची, पाण्याची व त्यांना मूलभूत गरजा पुरवण्यासाठी देवल कमिटीच्या वतीने उपाययोजना आखण्यात आल्या आहेत. अशी माहिती योगेश्वरी देवल कमिटीचे अध्यक्ष तहसीलदार विलास तरंगे यांनी दिली. 

------