मराठा आरक्षण विषयी मंगळवारी परळीत बैलगाडी जनजागृती रॅलीचे आयोजन
मराठा आरक्षण विषयी मंगळवारी परळीत बैलगाडी जनजागृती रॅलीचे आयोजन
परळी वैजनाथ (प्रतिनिधी)
मंगळवार दि. १६ जानेवारी २०२४ रोजी सकाळी १० वाजता मराठा आरक्षण विषयी शासनाचे लक्ष वेधण्याकरिता परळी वैजनाथ येथील तहसील कार्यालयावर भव्य बैलगाडी रॅली काढण्यात येणार आहे.
मराठा योद्धा मनोज जरांगे पाटील यांच्या मागणीचा विचार करून शासनाने सरसकट मराठा समाजास कुणबी प्रमाणपत्र द्यावे. तसेच प्रशासनाकडून कुणबी नोंदी तपासण्यासाठी हायगायी न करता पूर्ण सहकार्य करावे. या प्रमुख मागण्यांसाठी ही भव्य बैलगाडी रॅली काढण्यात येणार आहे. यामध्ये परळी शहर व तालुक्यातील मराठा समाज बांधव सामील होणार असून हलगी,सुर सनई, संभूळ यासह इतर पारंपरिक वाद्यांचा समावेश या बैलगाडी रॅलीत असणार आहे.
या रॅली चा मार्ग भाजी मंडई,गणेशपार येथून राणी लक्ष्मीबाई टावर चौक, एक मिनार चौक, छत्रपती शिवाजी महाराज चौक,आझाद चौक मार्गे तहसील कार्यालय अशा स्वरूपाची बैलगाडी रॅली काढण्यात येऊन संबंधित मागण्यांचे निवेदन तहसीलदार, परळी वैजनाथ यांना देण्यात येणार आहे.
मंगळवारी होत असलेल्या या भव्य बैलगाडी रॅलीस परळी शहर व तालुक्यातील समाज बांधवांनी मोठ्या संख्येने उपस्थित राहावे. असे आवाहन सकल मराठा समाजाच्या वतीने करण्यात आले आहे.
टिप्पण्या
टिप्पणी पोस्ट करा