महाशिवरात्री निमित्त राधाताई महाराज यांचे कीर्तन

 महाशिवरात्री निमित्त राधाताई महाराज यांचे कीर्तन

   

  पाटोदा /प्रतिनिधी

             पाटोदा शहराचे ग्रामदैवत श्री भामेश्र्वर  मंदिर येथे आज दिनांक 8 मार्च रोजी सायंकाळी 9 ते 11 महाशिवरात्री व संताजी महाराज पुण्यतिथी  निमित्ताने महंत ह.भ.प . राधाताई महाराज सानप ( श्री आईसाहेब देवस्थान महासांगवी) यांचे अमृततुल्य कीर्तन होणार आहे.

      गेल्या 26 वर्षापासून दरवर्षी भामेश्वराची सेवा म्हणून राधाताई न चुकता महाशिवरात्रीला भामेश्र्वर  मंदिर येथे  कीर्तन सेवा करत आहेत . तसेच रात्री ठीक बारा वाजता ब्रह्मवृंदाच्या वतीने भामेश्र्वराची महापूजा होईल . दोन मार्च पासून भक्ती दीदी आळंदी यांच्या वाणीतून श्रीमद भागवत कथा सुरू आज शुक्रवारी कथेची सांगता आहे .  शनिवारी 9 मार्च  रोजी सकाळी 9 ते 11 संताजी जगनाडे महाराज पुण्यतिथी निमित्त छत्रपती शिवाजी महाराज चौक ते भामेश्र्वर मंदिर पर्यंत  संताजी प्रतिमेची सवाद्य मिरवणूक निघणार आहे त्यानंतर 11ते 1 ह.भ प.भक्ती दीदी आळंदी यांचे काल्याचे कीर्तन व त्यानंतर  महाप्रसाद होऊन  महाशिवरात्री व संताजी पुण्यतिथी सोहळ्याची सांगता होणार तरी भाविकांनी मोठ्या संख्येने उपस्थित राहावे असे आवाहन भामेश्वर मित्रमंडळ व संताजी युवक मंडळ पाटोदा यांनी केले आहे     

  गुरु आदेशाची परंपरा कायम

        संत मीराबाई आईसाहेब यांच्या देहावसनानंतर 1998 मध्ये या गादीवर भगवान गडाचे महंत भीमसिंह बाबा  महाराज यांनी मला बसवले व तिसऱ्या दिवशी महाशिवरात्रीनिमित्त भामेश्र्वर मंदिरामध्ये कीर्तनासाठी जाण्यास सांगितले त्या आदेशाची परंपरा 26 वर्षापासून जोपासत आहे व पुढेही जोपासत राहील. 

- महंत राधाताई महाराज