परळीत आणखी एक बलात्काराचा गुन्हा दाखल

 परळीत आणखी एक बलात्काराचा गुन्हा दाखल

परळी वैजनाथ, प्रतिनिधी...

    परळीत बलात्कारांच्या घटनांमध्ये वाढ झाली असून शाळकरी मुलींच्या अपहरणाच्या घटनाही घडलेल्या आहेत महिला अत्याचाराच्या प्रकरणांमध्ये दररोज पोलीस ठाण्यात नोंद होताना दिसून येत आहे आज पुन्हा एकदा एका महिलेने आपल्यावर सातत्याने शारीरिक अत्याचार करण्यात आले व जीवे मारण्याची धमकी देण्यात आली या आशियाची फिर्याद दाखल केल्यावरून एका जणाविरुद्ध बलात्काराचा गुन्हा दाखल करण्यात आला आहे.

          याबाबत पोलीस सुत्रांकडून प्राप्त अधिक माहितीनुसार, शहरातील शिवनगर, वडर कॉलनी  येथील मोलमजुरी करणाऱ्या एका गृहिणीने आपल्यावर सातत्याने अत्याचार करण्यात आल्याची फिर्यादी पोलिसात दाखल केली आहे.यातील फिर्यादी व आरोपी हे एकमेकाना ओळखत असून आरोपी व फिर्यादी अधून-मधून बोलत असत. नंतर आरोपी हा फिर्यादीस मला तूझ्या सोबत शारीरीक संबंध ठेवायचे आहेत असे म्हणत असे, नकार दिल्यास तूझ्या मूलांना मारून टाकीन अशी धमकी देवू लागला, त्यानंतर दिनांक 30/03/2024 रोजी सकाळी 11.00 वा. सुमारास फिर्यादी घरी एकटीच असताना आरोपीने घरी येवून फिर्यादीसोबत जबरदस्तीने बलात्कार केला व त्यानंतर दिनांक 03/04/2024 रोजी रात्री 09.30 वा. आरोपी फिर्यादीचे घरासमोर येऊन तु माझा फोन का उचलत नाहीस असे म्हणून घरावर दगड मारुन शिवीगाळ करुन जिवे मारणेची धमकी दिली.या फिर्यादीवरुन आरोपी विरुद्ध गुरनं.--56/2024 कलम 376,504,506 भादवि प्रमाणे गुन्हा दाखल करण्यात आला आहे.पुढील तपास पोउपनी शेटे हे करीत आहेत.