गाढे पिंपळगाव येथे अखंड हरिनाम सप्ताह व ज्ञानेश्वरी पारायण सोहळ्यास उत्साहात सुरुवात

 गाढे पिंपळगाव येथे अखंड हरिनाम सप्ताह व ज्ञानेश्वरी पारायण सोहळ्यास उत्साहात सुरुवात

परळी वैजनाथ दि.३० (प्रतिनिधी)

          तालुक्यातील गाढे पिंपळगाव येथे गेल्या १५५ वर्षांची परंपरा असलेला ग्रामदैवत श्री.पापदंडेश्वर पालखी सोहळ्यानिमित्त सोमवारी (ता.२९) पासून अखंड हरिनाम सप्ताह व ज्ञानेश्वरी पारायण सोहळा व शिव कथेची उत्साहात सुरुवात करण्यात आली. 

          दिडशे वर्षांची परंपरा असलेला श्री.पापदंडेश्वर पालखी सोहळ्या निमित्त सोमवार पासून अखंड हरिनाम सप्ताह व ज्ञानेश्वरी पारायण सोहळा व शिव पुराण कथेचा प्रारंभ करण्यात आला. या हरिनाम सप्ताहात सोमवारी दुपारी २ ते ५ शिव महापुराण कथेचे निरुपण अंकिता माने आळंदीकर या करण आहेत. कथेस महिलांचा मोठा प्रतिसाद मिळत आहे. सोमवारी संतोष महाराज सोळंके यांचे किर्तन संपन्न झाले. तर मंगळवारी महादेव महाराज चाकरवाडीकर, बुधवार गोविंद महाराज धोत्रे आळंदी, गुरुवारी अंकिता माने आळंदी, शुक्रवारी कालीदास महाराज अवलगावकर, शनिवारी कृष्णदास महाराज सताळकर,प्रभाकर महाराज झोलकर यांचे काल्याचे किर्तन रविवारी १२ ते २ होणार आहे. रोज पहाटे काकडा आरती,७ ते १० ज्ञानेश्वरी पारायण, ११ ते १ गाथा भजन, दुपारी अंकिता खांडगे यांची १ ते ५ शिव कथा, सायंकाळी ६ ते ७ धुप आरती होणार आहे. तर मुख्य पालखी सोहळा रविवारी (ता.०५) रात्री १२ वाजता श्री.पापदंडेश्वर मंदिरातून निघणार असून रात्री पालखी मार्गावर भारुडे, सकाळी गवळणी व मंगळवारी दुपारी महाआरती नंतर महाप्रसाद आयोजित करण्यात आला आहे. या पालखी सोहळ्यास व अखंड हरिनाम सप्ताहास व शिवपुराण कथेस पंचक्रोशीतील भाविक भक्तांनी मोठ्या संख्येने उपस्थित राहण्याचे आवाहन गावकऱ्यांनी केले आहे