हरिद्वार व दिल्ली येथील विद्वानांची मौलिक व्याख्याने
माता कौशल्यादेवी लोहिया यांच्या गौरवार्थ परळीत त्रिदिनात्मक "मातृवंदना" समारंभ
हरिद्वार व दिल्ली येथील विद्वानांची मौलिक व्याख्याने
परळी वैजनाथ,दि.२०-
शहरातील ज्येष्ठ नागरिक व दानशूर आदर्श माता श्रीमती कौशल्यादेवी रामपालजी लोहिया यांच्या ९१ व्या वर्षपूर्तीनिमित्त येत्या २४, २५ व २६ मे रोजी भव्य स्वरूपात "मातृवंदना" कार्यक्रमाचे आयोजन करण्यात आले आहे. अक्षदा मंगल कार्यालयात संपन्न होणाऱ्या या कार्यक्रमासाठी हरिद्वार येथील पतंजली विद्यापीठाचे प्रति- कुलगुरू व प्रसिद्ध वैदिक विद्वान प्रो. डॉ. महावीरजी आचार्य व दिल्ली येथील प्रसिद्ध भजनगायिका श्रीमती अमृता शास्त्री यांची उपस्थिती लाभणार असून त्यांचे दररोज आध्यात्मिक, धार्मिक, कौटुंबिक, सामाजिक व राष्ट्रीय विषयांवर अमूल्य असे मार्गदर्शन लाभणार आहे.
तिन्ही दिवशी दररोज सकाळी ९ ते १ वा. व संध्याकाळी ५ ते ९ वा. यजुर्वेद पारायण यज्ञ, भजन संगीत व विविध मौलिक विषयांवर अभ्यासपूर्ण व्याख्याने संपन्न होतील . तिसऱ्या दिवशी सकाळी मान्यवर विद्वान, साधू महात्मे,संन्यासी व विविध क्षेत्रातील मान्यवरांच्या उपस्थितीत माता कौशल्यादेवी लोहिया यांच्या कृतार्थ जीवनाप्रती कृतज्ञता व्यक्त करणारा " मातृ वंदना" सोहळा होईल. यात आयुष्कामेष्टी यज्ञ, ग्रंथतुला, सत्कार व इतर कार्यक्रम ठेवण्यात आले आहेत. तरी या समारंभास उपस्थित राहण्याचे आवाहन कार्यक्रमाच्या संयोजन समितीच्या वतीने करण्यात आले आहे.
टिप्पण्या
टिप्पणी पोस्ट करा