श्रावण महिन्याच्या पार्श्वभूमीवर परळीत वैद्यनाथ मंदिरात तगडा बंदोबस्त !दर्शनासाठी लाखो भाविक होणार दाखल

 श्रावण महिन्याच्या पार्श्वभूमीवर परळीत वैद्यनाथ मंदिरात तगडा बंदोबस्त !

दर्शनासाठी लाखो भाविक होणार दाखल

  परळी वैजनाथ  / प्रतिनिधी

        हिंदू धर्मातील पवित्र अशा श्रावण मासानिमित्त देशातील बारा ज्योतिर्लिंगापैकी एक असलेल्या  प्रभु वैद्यनाथाच्या नगरीत श्री वैद्यनाथ देवस्थान ट्रस्टच्या वतीने तयारी पूर्ण झालेली असून शंभराहून अधिक सी.सी.टी.व्ही कॅमेऱ्यांची मंदिर परिसरावर करडी नजर असणार आहे.देशभरातून येणाऱ्या भाविकांसाठी वैद्यनाथ मंदिर प्रशासन सज्ज झाले आहे.

  ५ ऑगस्ट सोमवार रोजी श्रावण महिन्याला सुरवात होत असून ४ ऑगस्ट रोजी रात्री १२ वाजल्यापासुन प्रभू वैद्यनाथाचे दर्शन सुरु होणार आहे.मंदिर परिसरात देवस्थाचे सुरक्षारक्षक आणि स्वछता कर्मचारी असणार आहेत.मंदिरामध्ये येणाऱ्या प्रत्येक भाविकाची झडती घेऊनच आतमध्ये सोडण्यात येईल.यामध्ये तिन्ही रांगांच्या प्रवेशद्वारावर तपासणी करुन प्रवेश दिला जाणार आहे.

Click:♦️ भक्तांसाठी खास पर्वकाळ: यंदाच्या श्रावण महिन्यात ५ सोमवार!   ७२ वर्षानंतर दुर्मिळ योगायोग!_

         बारा ज्योतिर्लिंगांपैकी एक असलेल्या वैद्यनाथ मंदिरात श्रावण महिन्यानिमित्त तगडा बंदोबस्त असणार आहे. पाहिल्या श्रावण सोमवारसाठी पोलीसांची करडी नजर असणार असून मंदिराच्या सुरक्षेसाठी एक पोलीस उपअधीक्षक, एक पोलीस निरीक्षक ,१५ सहाय्यक पोलीस निरीक्षक,८७पोलीस कर्मचारी,२१ महिला पोलीस कर्मचारी,एक दंगल नियंत्रण पथक (४० कर्मचारी), १०० होमगार्ड असा तगडा बंदोबस्त असणार आहे.

दर्शन पास १०० रुपयात.......

      प्रभू वैद्यनाथाच्या दर्शनासाठी येणाऱ्या भाविकांची गैरसोय होय नये यासाठी वैद्यनाथ देवस्थान ट्रस्ट तर्फे दर्शनाच्या तीन रांगा असणार असून महिला, पुरुष यांच्या स्वतंत्र रांगा तर पास धरकांसाठी विशेष रांग असणार आहे हा दर्शन पास १०० रुपयात उपलब्ध होणार आहे.

-------------------------------------------------------