शिवीगाळ व धक्काबुक्की: तुला उचलून घेऊन जातो म्हणत शेजारणीला धमकी;गुन्हा दाखल

 शिवीगाळ व धक्काबुक्की: तुला उचलून घेऊन जातो म्हणत शेजारणीला धमकी;गुन्हा दाखल 

परळी वैजनाथ  प्रतिनिधी...        

   घराशेजारी राहणाऱ्या एका 35 वर्षीय युवकाने एका महिलेला  शिवीगाळ करत धक्काबुक्की केली. त्याचप्रमाणे वाईट हेतूने फिर्यादी महिलेचा हात धरून तुला उचलून घेऊन जातो असे म्हणून धमकी दिल्या प्रकरणी एका जणाविरुद्ध पोलिसात गुन्हा दाखल करण्यात आला आहे.

        याबाबत पोलीस सूत्रांकडून प्राप्त अधिक माहितीनुसार, फिर्यादी चाळीस वर्षीय महिला रा.सटवाईचा मळा परळी वै.या आरोपी सचिन वैद्यनाथ नाईकवाडे वय 35 वर्षे रा.सटवाईचा मळा ता. परळी वै. याच्या शेजारीच राहतात.दि. 16 ऑगस्ट रोजी रात्री 11.43 वा. आरोपी फिर्यादी महिलेस बोलू लागला. तेंव्हा मला बोलू नको असे महिला म्हणली असता त्याने शिवागाळ केली. अंगावर येवुन वाईट भावनेने हात धरला व फिर्यादीला लज्जा वाटेल असे कृत्य केले. तसेच फिर्यादीचे मुलास शिवीगाळ करून धक्काबुक्की केली व फिर्यादीस उचलुन घेवुन जातो असे म्हणत धमकी दिली म्हणुन आरोपीविरुद्ध गु.र.न. 130/2024 कलम 74, 75, 115(2),352,351 (2) (3) भा.न्या. स. प्रमाणे  गुन्हा दाखल करण्यात आला आहे.पुढील तपास पोह चट्टे हे करीत आहेत.