कै. जनार्दन आत्माराम चितळे युवा नाट्य प्रशिक्षण शिबिराचे आयोजन
कै. जनार्दन आत्माराम चितळे युवा नाट्य प्रशिक्षण शिबिराचे आयोजन
.......
नांदेड, प्रतिनिधी ...
नांदेड येथे तन्मय प्रतिष्ठान व लीला आर्ट्स फाउंडेशन, नांदेड यांच्या वतीने कै. जनार्दन आत्माराम चितळे युवा नाट्य प्रशिक्षण शिबिराचे आयोजन दिनांक 22 ऑगस्ट ते 5 सप्टेंबर या कालावधीत आयोजित करण्यात आले आहे. यावर्षीच्या आयोजनाचे हे 34 वे वर्ष आहे. या नाट्य शिबिरात नाट्यक्षेत्रातील सर्वोच्च शिक्षण देणाऱ्या राष्ट्रीय नाट्य शाळा ( एनएसडी, नवी दिल्ली) येथील तज्ञ नाट्य प्रशिक्षक श्रीमती स्नेहलता तागडे( मुंबई) ,श्रीमती खुशबू कुमारी (बिहार), चंदन कुमार ( दिल्ली), सलीम हुसेन मुल्ला (कोल्हापूर), तसेच सोशल मीडियावर नाट्यतंत्रासाठी सुप्रसिद्ध प्रशिक्षक म्हणून कार्यरत असणाऱ्या शिखर पहाडिया थिअटरवाले, दूरदर्शन व चित्रपट क्षेत्रातील उदयोन्मुख अभिनेत्री नांदेडची भूमिकन्या नुपूर चितळे या व्याख्यात्यांचे मार्गदर्शन लाभणार आहे. हे शिबिर रंग शारदा दालन, कै. शंकरराव चव्हाण नाट्यगृह नांदेड येथे पार पडणार आहे. तरी मराठवाड्यातील जास्तीत जास्त युवा नाट्यकर्मी, तसेच या क्षेत्रामध्ये काम करू इच्छिणाऱ्या युवक व युवतींनी या शिबिरामध्ये सहभागी व्हावे असे आवाहन ज्येष्ठ रंगकर्मी नाथा चितळे यांनी केले आहे.
या नाट्य प्रशिक्षण शिबीरामध्ये नाटकातील विविध अंगांची ओळख, संहिता नाट्यलेखन, दिग्दर्शन, नेपथ्य, पार्श्वसंगीत, प्रकाशयोजना, रंगभूषा, वेशभूषा यांचे मार्गदर्शन मिळणार आहे. तसेच चित्रपट व दूरदर्शन मालिकांमध्ये अभिनय, ऑडिशनच्या तयारीसाठी मार्गदर्शन मिळणार आहे. या शिबिराच्या अधिक माहितीसाठी नितीश देशपांडे 98 90 91 47 29, अभिजीत बारडकर 90 21 20 57 54 , व शिबीर प्रमुख नागेश रोकडे 73 78 91 77 01 यांच्याशी संपर्क करण्याचे आवाहन संयोजन समितीच्या वतीने करण्यात आले आहे.
टिप्पण्या
टिप्पणी पोस्ट करा