भव्य स्वरूपात संस्कृत श्लोकपाठांतर व भाषण स्पर्धांचे आयोजन

भव्य स्वरूपात संस्कृत श्लोकपाठांतर  व भाषण स्पर्धांचे आयोजन

    परळी वैजनाथ,दि.१५ -

            अमृतवाणी संस्कृत भाषेच्या प्रचार व प्रसारासाठी येथील संस्कृत भाषा प्रचार केंद्राच्या वतीने दरवर्षाप्रमाणे याही वर्षी येथे येत्या १७ व १८ ऑगस्ट २०२४ रोजी संस्कृत श्लोकपाठांतर व भाषण स्पर्धांचे आयोजन करण्यात आले असून या स्पर्धा विविध गटात विभागण्यात आले आहेत. 

                  या स्पर्धा शहरातील आर्य समाज मंदिरात पार पडणार आहेत. त्यानुसार दि.१७ ऑगस्ट रोजी दुपारी २.०० वाजता बालवाडी (शिशुगट), पहिली ते चौथी (बालगट), पाचवी ते सातवी (प्राथमिक गट) या विभागांच्या श्लोक व भाषणस्पर्धा संपन्न होतील, तर दि.१८ ऑगस्ट रोजी दुपारी १.०० वाजता आठवी ते दहावी (माध्यमिक गट) व अकरावी ते पदवी अंतिम वर्ष (महाविद्यालयीन गट) या विभागाच्या श्लोक गायन व भाषण स्पर्धा पार पडतील. या दोन्ही स्पर्धांमध्ये प्रथम, द्वितीय व तृतीय क्रमांक मिळवणाऱ्या विद्यार्थ्यांना पारितोषिकांचे वितरण दि.१९ ऑगस्ट रोजी ४.०० वाजता आयोजित सामूहिक संस्कृत दिन समारंभात करण्यात येईल. 

               विविध विभागांच्या श्लोक पाठांतर स्पर्धेसाठी  वेगवेगळी सुभाषिते  व भाषणांसाठी वेगवेगळे विषय निश्चित करण्यात आले आहेत. तशा प्रकारची परिपत्रके सर्व शाळा व महाविद्यालयांना पाठवण्यात आली असून  स्पर्धेत भाग घेऊ इच्छिणाऱ्या विद्यार्थ्यांनी आपल्या संस्कृत शिक्षक व प्राध्यापकांशी संपर्क साधावा व मार्गदर्शन घ्यावे, असे आवाहन संस्कृत भाषा प्रचार केंद्राच्या वतीने करण्यात आले आहे. अधिक माहितीसाठी सर्वश्री प्रा.डा. अरुण चव्हाण (९८९०३५५३४९), प्रा. डॉ. वीरेंद्र शास्त्री (९७६४३३२११७), तानाजी शास्त्री(९०७५२५७७६६), नितीन व्हावळे (९५९५७७९७८०), अतुल नरवाडकर (९४०३८८३११४),माणिक गडदे(९८९०५४२६०४) सौ. पल्लवी फुलारी (८३२९४४४८४९) किशोर पवार (९५६१०९६२९२) यांच्याशी संपर्क करावा.