स्मॉल मिडीयम न्यूज एडिटर संघटनेच्या राष्ट्रीय उपाध्यक्षपदी दिलीप जोशी यांची निवड
शासनाच्या उदासीन धोरणामुळे प्रिंट मिडीया धोक्यात-दिलीप जोशी
*परळी वैजनाथ/प्रतिनिधी*
स्मॉल मिडीयम न्यूज एडिटर संघटनेच्या राष्ट्रीय उपाध्यक्षपदी दैनिक वंदेमातरमचे संपादक तथा सामाजिक कार्यकर्ते दिलीपभाऊ जोशी यांची निवड रविवार दि.25 ऑगस्ट रोजी परळी वैजनाथ येथे झालेल्या राष्ट्रीय कार्यकारिणीच्या व्यापक बैठकीत करण्यात आली.
परळी वैजनाथ येथे स्मॉल मिडीयम न्यूज एडिटर संघटनेच्या प पदाधिकार्यांची बैठक रविवारी राष्ट्रीय अध्यक्ष उत्तम वाडकर यांच्या अध्यक्षतेखाली घेण्यात आली. या बैठकीत जेष्ठ संपादक दिलीपभाऊ जोशी यांना राष्ट्रीय उपाध्यक्ष पदाचे नियुक्तीपत्र त्यांच्या हस्ते देण्यात आले. यावेळी दिलीपभाऊ जोशी यांचा संघटनेच्या वतीने शाल, श्रीफळ व पुष्पहार देवून सत्कार करण्यात आला.
याप्रसंगी बोलतांना दिलीपभाऊ जोशी म्हणाले की, जिल्हा दैनिक व साप्ताहिकांची राज्य शासनाकडून गळचेपी होत असून शासन जाहीराती देण्यामध्ये दुजाभाव करत असल्याचा आरोप त्यांनी केला. शासनाच्या या उदासीन धोरणामुळे वृत्तपत्र धोक्यात आले असून शासनाच्या विरोधात लवकरच तीव्र आंदोलन करण्यात येणार असून जिल्हा दैनिक व साप्ताहिकांना न्याय मिळवून देण्यासाठी आपण प्रयत्न करणार असल्याचेही श्री जोशी म्हणाले. दरम्यान पुढे बोलतांना श्री जोशी म्हणाले की, लवकरच बीड जिल्हा कार्यकारिणी घोषित करण्यात येणार असून स्मॉल मिडीयम न्यूज एडिटर संघटना जोमाने मजबुत करणार असल्याचेही त्यांनी सांगितले.
बैठकीस राष्ट्रीय सचिव ईश्वरसिंग सिंगल यवतमाळ, संघटक योगेश तुरेराव, प्रदेशाध्यक्ष संतोष धरमकर, भगवान परळीकर, डॉ.भारती मुरकुटे, अनिल शिराळकर, सचिनभाऊ जोशी, प्रेमचंद राठौड, बंडू धनवे, दिनेश कपूर, शंकरराव इंदुरकर यांच्यासह विविध वृत्तपत्रांचे संपादक, पत्रकार मोठ्या संख्येने उपस्थित होते.
टिप्पण्या
टिप्पणी पोस्ट करा