नागरी समस्या सोडवण्यासाठी कार्यालय होणार कार्यान्वित

श्रीकृष्ण मिञमंडळाच्या जनसंपर्क कार्यालयाचे भाऊबीजेच्या मुहूर्तावर उद्घाटन - राजकुमार डाके

             परळी ( प्रतिनीधी ) शहरातील कृष्णानगर परिसरात नागरी समस्या सोडवण्यासाठी व सामाजीक, सांस्कृतीक,  शैक्षणीक चळवळ वाढीस लागण्यासाठी गेल्या बावीस वर्षापासुन कार्यरत असणाऱ्या श्रीकृष्ण मित्रमंडळाच्या जनसंपर्क कार्यालयाचा उद्घाटन सोहळा भाऊबीजेच्या शुभमुहुर्तावर रविवार दिनांक ०३ नोव्हेंबर रोजी अनेक मांन्यवरांच्या प्रमुख ऊपस्थीतीत करण्यात येणार असल्याची माहिती श्रीकृष्ण मिञ मंडळाचे संस्थापक अध्यक्ष राजकुमार डाके यांनी दिली आहे.

     अनेक नागरी समस्यांना वाचा फोडुन वेळप्रसंगी जनआंदोलन उभारुन श्रीकृष्ण मिञ मंडळाच्या माध्यमातून प्रभागातील अनेक समस्या सोडवण्यात आल्या आहेत.सामाजीक  सांस्कृतीक व शैक्षणीक चळवळ गतीमान करण्याचे कार्य करत श्रीकृष्ण जन्मोत्सवा निमीत्त दहिहंडी सोहळा, विविध शालेय स्पर्धा, आरोग्य शिबीरे, वृक्षारोपन सारखे सामाजीक ऊपक्रम श्रीकृष्ण मीञ मंडळाच्या माध्यमातुन प्रामुख्याने राबवले जातात.परळी पोलीस स्टेशन समोर तीन दिवस उपोषण करुन परिसरातील अवैध धंदे कायमचे बंद करण्याचे कार्य श्रीकृष्ण मीञ मंडळाच्या माध्यमातुन करण्यात आले होते. याचबरोबर प्रभागातील नागरी समस्या सोडवणे व परिसरातील चाळीस फुटी रोड मोकळा करण्याबाबतही परळी न.प. समोर उपोषण करण्यात आले होते. या जनसंपर्क कार्यालयाच्या माध्यमातुन यापुढेही या परिसरातील नागरी समस्या जाणुन घेऊन त्या सोडवण्यासाठी प्रयत्न करण्यासाठी या कार्यालयातुन प्रयत्न केले जाणार असल्याचे राजकुमार डाके यांनी सांगितले.